Versículos bíblicos populares de JUAN 7

Partilhar

‘Ñucata maijan crijpaj shungu ucumandaca, causaita causagrinata caraj yacucunami llujshinajunga’ nishpami, Dios escribichishca Shimipica villachijun— nircami.

Chai jatun fiesta tucurijui punllami, Jesusca shayarishpa shinllita caparishpa, cashna nijurca: —Maijambash yacunayachishpaca, ñucapajman shamushpa ufiaichilla.

Chaitaca, paita crijcunalla Diospaj Espirituta chasquina cajpimi, Jesusca chashna nijurca. Taita Dios Jesustaca nara paipaj punchapamba llactaman pushashcachu carca. Chaimandami, Diospaj Espirituca nara shamushca carca.

Chashnami canga nishpalla, na pitapash juchachinachu canguichi. Imata rurashcatapash aliguta ricushpami, juchachi ushana canguichi— nijurcami.

Pipash paipaj munailla villachijushpaca, gentecuna ninanda alicachishpa ricunajuchunllami villachijun. Ashtahuangarin pipash paita mandashpa cachamujta alicachinajuchun villachijushpaca, napacha llullashpami villachijun. Shina cashpami, paipi ima nalipash na tian.

Shina nijpimi Jesusca, cashna nishpa tigrachirca: —Na ñucapaj munaica, cashna yachachijunichu. Ashtahuangarin ñucata cachamuj Taita yachachishcatami yachachijuni.

Cai pachapajtalla rurashpa causajcunaca, cangunataca na millanayachinllu. Imatapash nalitallami rurashpa causanguichi nijujpimi, ñucataca ninanda na ricunayachihuan.