Versículos bíblicos populares de Dimatekenu 1

Partilhar

Nzambi anga u zuela, uixi: Tu bhangienu muthu mu kidifuanganu kietu, a bhabhelele ku kijingo kietu, a tumine ku jimbiji jendela mu menha, ni ku jinjila ji bhita bhulu, ni ku ibhaku, ni ixi ioso, ni ku ibamba iendela ku mavu. Nzambi anga u bhanga muthu mu kidifuanganu kiê, mu kidifuanganu kiê muene mua mu iudika; iú u kala diiala, iú u kala muhatu kia a bhanga.

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

Mu dimatekenu Nzambi ua bhanga diulu ni ixi.

Ixi anga i kala ia botomoka, ia kambe ku di umba; kua bhiti kitombe ku thandu dia menha mazongo; Nzumbi ia Nzambi anga u kala mu butamena o menha.

Nzambi anga u zuela, uixi: Kuma kúkie; kuma anga ku zela, ku kala mukengeji.

Nzambi anga u mona ima ioso ia iudika, kuma ia uabha muene kiavulu. Anga ku kala ngoloxi ni kimene, kizuua kia kasamanu.

Nzambi anga u mona mukengeji kuma ua uabha; Nzambi anga u uana o mukengeji ni kitombe.

Nzambi anga u zuela, uixi: Talenu, nga mi bhana idima ioso i bhana jimbutu, mu ngongo ioso, ni miẋi ioso i kala ni ibundu i bhana jimbutu; i mi kale o kudia kuenu

Nzambi anga u luka kuma kua zele, uixi: Kúkia, o kuma kua vundu u luka-ku, uixi: Usuku. Bhenho-bho bhua bhiti ngoloxi ni kimene, o kizuua kia dianga.

Nzambi anga u zuela, uixi: Ku kale muthandu muaxaxi ka menha, menha ni menha ma di kalele.

ni iama ioso ia kanga, ni jinjila ji bhita bhulu, ni ibamba iendela ku mavu, ioso iala ni muenhu, nga i bhana iangu ia uisu mu kudia kuâ; anga ki di bhanga kienhiki.

Nzambi anga u zuela, uixi: Ku kale imuiku ku dimbinza dia diulu phala kuuana muanha ni usuku; i kale ijimbuete ia kuidikiza jithémbu ni izuua ni mivu

Nzambi anga u zuela, uixi: Ixi i sabhuke iangu, ni idima i bhana mbutu, ni mixi i bhana ibundu, ku idifua-idifua, kala kidifua ni mbutu iê moxi, i kale mu ngongo. Anga ki di bhanga kienhiki.

Nzambi anga u ta muthandu mu dinga-ni-dinga, u bhangesa menha bhulu a di kalela ni menha bhoxi. Anga ki di bhanga kienhiki.

Ixi anga i sabhuka iangu, ni idima i bhana mbutu ia kaiela mu kifua kiê, ni mixi i bhana ibundu, ni mbutu iê moxi, ia kaiela mu kifua kiê; Nzambi anga u ki mona kuma kiauabha.

Nzambi anga u bhanga imuiku iiadi iònene; kimuiku kia dikota ki tumina mu muanha, o kimuiku kia ndenge ki tumina mu usuku; ua bhange ue o jithé-thembua.

Nzambi anga u zuela, uixi: Menha bhoxi a diulu a bhongoloke kididi kimoxi, mavu makukuta ma tomboloke. Anga ki bhita kienhiki. Nzambi anga u luka mavu makukuta, Ixi; o dibhongo-lokelu dia menha ua di luku, Kalunga; Nzambi anga u ki mona kuma kia-uabha.

Nzambi anga u a tula o kizediuise, uixi: Vualenu, mu sokoloke, mu menha ma kalunga mu izale; o jinjila ue ji sokoloke ku kanga.

Nzambi anga u zuela, uixi: Ku mavu ku sokoloke jixitu ja muenhu ku idifua-idifua, ni ibhaku, ni ibamba i zanzala bhoxi, ni iama ia kanga, ku idifua-idifua; anga ki di bhanga kienhiki.

Nzambi anga u zuela, uixi: Mu menha mu sokoloke ndumba ia iama ia muenhu, (i zouela momo), ni jinjila ji bhita bhulu mu dinga-ni-dinga.

Nzambi anga u bhanga iama ia kanga ni ifua iâ; Nzambi anga u mona kuma kiauabha.