Versículos bíblicos populares de EFETIKILO 1

Partilhar

Suku wa linga hati, Tu luliki omunu ukuacilelembia cetu, ukuesetahãlo lietu hã ha viala kolõsi viovokalunga, lokolonjila viovusenge, lokovinyama viovimbo, lokoluali luosi kuenda kovipuka viosi vi likoka posi. Suku yu wa sovola omunu ukuacilelembia caye, ukuacilelembia caye muẽle Suku a sovola, ulume lukãi wa va sovola.

Suku wa va sumũlũĩsa. Suku wa va sapuila hati, Liciti, siati, yukisi oluali, lu yuli, viali kolõsi viovokalunga, lokolonjila viovusenge, lokovinyama viosi vi ñuala ñuala kilu lieve.

Poku fetika Suku wa sovola ilu losi.

Osi ya kala ño upolokoso, ka mua kaile cimue. Owelema wa sikilĩlĩle ocipala cokalunga. Espiritu lia Suku lia endela kilu liovava.

Suku yu wa linga hati, Ku iye ocinyi kuenje ocinyi ceya.

Suku yu wa ci mõla okuti ovina viosi a lulika via posoka. Kuenje kua kala oñolosi, kua kalavo omẽle, eteke liaco olio epandu.

Suku wa mõla ocinyi okuti ca posoka. Suku wa tepisa ocinyi lowelema.

Suku yu wa linga hati, Tali, ndo wihi ovikũla viosi vi kasi vongongo yosi yokilu lieve, vina vimaima olombuto, loviti viosi vimaima apako a kuete ombuto; vi linge okulia kuene.

Suku wa luka ocinyi hati, Utanya. Owelema wo luka hati, Uteke. Kuenje kua kala oñolõsi, kua kalavo omẽle, eteke liaco olio mosi.

Suku yu wa linga hati, Pokati kovava pa kale epuluvi, li tepise ovava lovava.

Ovinyama viosi kilu lieve, lolonjila viosi viovusenge, lovipuka viosi vi likoka posi, vi kuete ofela yomuenyo, okulia kuavio ovikũla viosi vi talala. Haico ca lingiwa.

Suku yu wa linga hati, Ku kale ovinyi kepuluvi liokilu oku tepisa utanya luteke; vi linge olondimbukiso violotembo loloneke lanyamo

Suku wa linga hati, Osi yi tunde owangu, lovikũla vimaime olombuto, loviti viapako yimaime apako ndapata avio, omo muli ombuto yaco, vilu lieve. Haico ca lingiwa.

Suku yu wa lulika epuluvi li tepisa ovava a kala vemẽhĩ liepuluvi liaco, lovava akuavo a kala kilu liepuluvi. Haico ca lingiwa.

Osi ya tunda owangu, lovikũla via imaima olombuto ndapata avio, oviti viapako vi kuete ombuto yaco ndapata ao. Suku wa ci mõla okuti ca posoka.

Suku yu wa lulika ovinyi vivali vinene, ocinyi ca velapo ci viala kutanya, ci sule ci viala kuteke, wa lulikavo olombungululu.

Suku yu wa linga hati, Ovava a kasi vemẽhi lilu a likongele pamosi, ongongo yi mõlẽhe. Haico ca lingiwa. Suku wa luka ongongo hati, Osi. Oku kua likongela ovava wa lukako hati, Okalunga. Suku yu wa ci mõla okuti ca posoka.

Suku yu wa vi sumũluĩsa hati, Liciti, siati, yuki vovava okalunga, lolonjila le vi siate kilu lieve.

Suku yu wa linga hati, Kilu lieve kuiye ovinyama ndapata avio, ovinyama viovimbo, lovipuka, lovinyama viovusenge ndapata avio. Haico ca lingiwa.

Suku yu wa linga hati, Vovava mu siate ovitundo vioviendalomuenyo, olonjila vi palãlaile vilu vepuluvi li kasi pokati kilu loposi.

Suku yu wa lulika ovinyama viovusenge ndapata avio, lovinyama viovimbo ndapata avio, lovipuka viosi vi likoka posi ndapata avio. Suku wa ci mõla okuti ca posoka.