Versículos bíblicos populares de Sant Jan 13

Partilhar

Vous doune un coumandamen nouvèu: Es que vous amés lis un lis autre; o, que vous amés lis un lis autre coume vous ai ama. Es à-n-acò d'aqui que tóuti couneiran que sias mi disciple, s'avès d'afecioun lis un pèr lis autre.

Adounc se iéu vous ai lava li pèd, estènt lou Segnour e lou Mèstre, vàutri peréu devès vous lava li pèd dis un is autre. Vous ai dóumaci douna l'eisèmple, pèr que, coume iéu vous ai fa, ansin peréu vautre fagués.

Jèsu ié respoundeguè: Ço que iéu fau, tu n'en sabes rèn aro; mai lou saubras plus tard.

Veramen, veramen vous lou dise, lou varlet n'es pas mai grand que soun mèstre; ni l'apoustòli mai grand qu'aquéu que l'a manda.

Se sabès aquéli causo, sarés urous, mai que li pratiqués.

S'aubourè de taulo, quitè si vièsti; e aguènt pres un linge, se lou boutè autour. Pièi vujè d'aigo dins un grasau, e se boutè à lava li pèd de si disciple, e peréu à lis eissuga 'mé lou linge qu'avié à la centuro.