Versículos bíblicos populares de ଜୋହନ 21

Partilhar

ୱାର୍‌ ଉଟି ୱେନ୍‌କା ଜିସୁ ସିମୋନ ପିତରତିଙ୍ଗ୍‌ ୱେନ୍‌ବାତାନ୍‌, “ଏ ଜୋହନତି ମାରିନ୍‌ ସିମୋନ, ନିନୁ ଇନିକା ନାଙ୍ଗିଁ ୱାରିମାଣ୍‌କୁ ନାଣ୍ତ ଜିବନ୍‌ନୋଜିନି ?” ୱାନ୍‌ ୱାନିଙ୍ଗ୍‌ ଇର୍ହାନ୍‌, “ହୁଁ, ପ୍ରବୁ,” ନାନ୍ ଜେ ନିଙ୍ଗିଁ ଜିବନ୍‌ନୋଜିନା, ଆକା ନିନ୍‌ ନେସ୍‌ନି । ଜିସୁ ୱାନିଙ୍ଗ୍‌ ଇର୍ହାନ୍‌, “ନା ମେଣ୍ତାପିଲେକାଙ୍ଗ୍‌ ସାରାକିଆ ।” ଜିସୁ ମାରିଡ଼େସି ରୁଣ୍ତି ଦେବେଙ୍ଗ୍‌ ୱାନିଙ୍ଗ୍‌ ୱେନ୍‌ବାତାନ୍‌, “ଏ ଜୋହନତି ମାରିନ୍‌ ସିମୋନ, ନିନ୍‌ ଇନିକା ନାଙ୍ଗିଁ ଜିବନ୍‌ନୋଜିନି ?” ୱାନ୍‌ ୱାନିଙ୍ଗ୍‌ ଇର୍ହାନ୍‌, “ହୁଁ, ପ୍ରବୁ,” ନାନ୍ ଜେ ନିଙ୍ଗିଁ ଜିବନ୍‌ନୋଜିନା, ଆକା ନିନ୍‌ ନେସ୍‌ନି । ଜିସୁ ୱାନିଙ୍ଗ୍‌ ଇର୍ହାନ୍‌, “ନା ମେଣ୍ତେଆଙ୍ଗ୍‌ ନେଗେନ୍‌କିଜି ସାରାକିଆ ।” ଜିସୁ ମୁନ୍‌ଡ୍ରି ଦେବେଙ୍ଗ୍‌ ୱାନିଙ୍ଗ୍‌ ୱେନ୍‌ବାତାନ୍‌, “ଏ ଜୋହନତି ମାରିନ୍‌ ସିମୋନ, ନିନ୍‌ ଇନିକା ନାଙ୍ଗିଁ ଜିବନ୍‌ନୋଜିନି ?” ନିନ୍‌ ଇନିକା ନାଙ୍ଗିଁ ଜିବନ୍‌ନୋଜିନି, ଇକା ଇନ୍‌ଜି ୱାନ୍‌ ମୁନ୍‌ଡ୍ରି ଦେବେଙ୍ଗ୍‌ ପିତରତିଙ୍ଗ୍‌ ୱେନ୍‌ବାନିଙ୍ଗିଁ ୱାନ୍‌ ଦୁଃକ୍‌ ଆଜି ୱାନିଙ୍ଗ୍‌ ଇର୍ହାନ୍‌, “ପ୍ରବୁ, ନିନ୍‌ ୱିଜୁ ବିସୟ୍‌ ନେସ୍‌ନି; ନାନ୍ ଜେ ନିଙ୍ଗିଁ ଜିବନ୍‌ନୋଜିନା, ଆକା ନିନ୍‌ ନେସ୍‌ନି ।” ଜିସୁ ୱାନିଙ୍ଗ୍‌ ଇର୍ହାନ୍‌, “ନା ମେଣ୍ତେଆଙ୍ଗ୍‌ ସାରାକିଆ ।

ସତ୍‌ ସତ୍‍ନେ ନାନ୍ ନିଙ୍ଗିଁ ୱେର୍‌ସିନା, ମୁରୁଲି ମାନିୱାଲେ ନିନ୍‌ ନିଜେଦି ଜୁକିଦୁ ଗାଟି ତରାଜ ଏମେ ତରିନ୍‌ ବଦା, ଆୟା ତରିନ୍‌ ବୁଲାଜିମାର୍‌ଇ, ମାତର୍‌ ଡକ୍ରା ଆତିଙ୍ଗ୍‌ ନିନ୍‌ ନିଜେଦି କିୟୁ ପେରିନି ମାରି ଆଇକାନ୍‍ ଅରେନ୍‍ ନି ଜୁକିଦୁ ଗାଟି ତର୍‌ନାନ୍‌ନୋ, ଏମେ ତରିନ୍‌ ନିଙ୍ଗିଁ ବଦା ସିଲେତ୍‍, ଆୟା ତରିନ୍‌ ନିଙ୍ଗିଁ ଅନାନ୍‍ ।”

ଜିସୁ ୱାରିଙ୍ଗ୍‌ ଇର୍ହାନ୍‌, “ଡଙ୍ଗାଁଦି ଉଣେରି ତରିନ୍‌ ଜାଡ଼ି ପୋକ୍‌ତୁ, ମାରି ମିର୍‌ ଏସ ଆସ୍‌ନିଦେର୍‌ ।” ଆବେଟ୍‌ ୱାର୍‌ ଜାଡ଼ି ପୋକ୍‌ତାର୍‌, ମାରି ଉଣା ମିନ୍‌କୁ ୱାତେ ଜେ, ୱାର୍‌ ଜାଡ଼ି ରେଲ୍‌ଦେଙ୍ଗ୍‌ ଆଟ୍‍ଏତାର୍‍ ।

ସିମୋନ ପିତର୍‌ ୱାରିଙ୍ଗ୍‌ ଇର୍ହାନ୍‌, “ନାନ୍ ମିନ୍‌କୁ ଆସ୍‌ତେଙ୍ଗ୍‌ ସୋଲ୍‌ସିନା ।” ଆଇ ସିସୁର୍‍ ୱାନିଙ୍ଗ୍‌ ଇର୍ହାର୍‌, “ମାପ୍‌ ବା ନି ୱାଲେ ସନାପ୍‌ ।” ୱାର୍‌ ସୋସିସଲ୍‌ସି ଡଙ୍ଗାଁଦୁ ଏକ୍‌ତାର୍‌ ମାରି ଜାଡ଼ି ପକ୍‌ତାର୍‌ ମାତର୍‌ ଆୟା ନାଡ଼ା ଇନିକା ଆସ୍‌ତେଙ୍ଗ୍‌ ଆଟ୍‍ଏତାର୍‍ ।