Versículos bíblicos populares de ଲୁକ 9

Partilhar

ନାସ୍ତିୱାଲେ ଜିସୁ ୱିଜେରିଙ୍ଗ୍‍ ଇର୍‌ଆନ୍‌, ଏନ୍‌ ଜଦି ନା ୱାଲେ ୱାଦେଙ୍ଗ୍‌ ବଦାକିନାନ୍‌, ଆରିଙ୍ଗ୍‌ ୱାନ୍‌ ନିଜେଦି ଡ଼ିସିନ୍‍, ମାରି ଦିନାମି ନିଜେଦି ଦୁକ୍‍ କସ୍ଟଦିଙ୍ଗ୍‍ ପିନ୍‍ଣ୍ତ୍‍ଜି ନା ୱେନ୍‌କା ରାପିନ୍‍ ।

ଇରିଙ୍ଗ୍‌ ଏନ୍‌ ନିଜେଦି ଜିବନ୍‌ତିଙ୍ଗ୍‌ ରକିୟା କିଦେଙ୍ଗ୍‌ ବଦାକିନାନ୍‌, ୱାନ୍‌ ଆକା ଆରାକିନାନ୍‌, ମାତର୍‌ ଏନ୍‌ ନା ଉଣ୍ତିଙ୍ଗ୍‌ ୱାନି ଜିବନ୍‌ ଆରାକିନାନ୍‌, ୱାନ୍‌ ଆକା ରକିୟା କିନାନ୍‌ ।

ମାତର୍‌ ଜିସୁ ୱାନିଙ୍ଗ୍‌ ଇର୍ହାନ୍‌, “ଏନ୍‌ ନାଙ୍ଗେଲ୍‍ ମେଡ଼ିଦୁ କିୟୁ ଆସ୍‌ସି ୱେନ୍‌କା ବେସ୍‍ନାନ୍‍, ୱାନ୍‌ ମାପୁରୁଦି ରାଜିଦୁ ଜୋଗ୍‍ ସିଲେନ୍‌ ।”

ମାରି, ଅରେନ୍‌ ଲୋକୁ‌ ସାରାଦୁନିଆଦିଙ୍ଗ୍‌ ଜିଣାଜି ନିଜେଦିଙ୍ଗ୍‍ ସାପିସ୍‍କିନାନ୍‍ ବା ଆରାନାନ୍‌, ଆରିଙ୍ଗ୍‌ ୱାନି ଇନି ଲାବ୍‍ ?

ଆଦେଙ୍ଗ୍‌ ଏନ୍‌ ନାଙ୍ଗିଁ ମାରି ନା ବାକ୍ୟ ବିସୟ୍‌ତାନ୍‌ ସେମାର୍‍ ଆନାନ୍‌, ମନୁସ୍ୟପୁତ୍ର ଏସ୍ତିୱାଲେ ବୁବାୱାଲେ, ମାରି ମୁସ୍‌କୁପୁର୍‌ତି ପବିତ୍ର ଦୁତ୍‍କାୱାଲେ ମହିମାଦାନ୍‌ ୱାନାନ୍‌, ନାସ୍ତିୱାଲେ ୱାନ୍‌ ୱାରି ବିସୟ୍‌ତାନ୍‌ ସେମାର୍‍ କିନାନ୍‌ ।

ଜିସୁ ୱାନିଙ୍ଗ୍‌ ଇର୍ହାନ୍‌, “ଗଲୁଦିଙ୍ଗ୍‍ ତେବାଦେଙ୍ଗ୍‍ ସାରାଆ ମାନାତ୍‌, ବାଦଡ଼୍‍ତି ପଟିଦିଙ୍ଗ୍‍ ତେବାଦେଙ୍ଗ୍‍ ଜାଲୁ ମାନାତ୍‌, ମାତର୍‌ ମନୁସ୍ୟପୁତ୍ରଦିଙ୍ଗ୍ ତାଲା ଇଡ୍‌ଦେଙ୍ଗ୍‌ ବାଡି ସିଲେତ୍‌ ।”

“ଏନ୍‌ଆପିନ୍‌ ନା ଦର୍‌ତାନ୍‌ ଇୟା ଇସ୍ରି କଡ଼ଦିଙ୍ଗ୍‌ ମାନାନାନ୍‍, ୱାନ୍‌ ନାଙ୍ଗିଁ ମାନାନାନ୍‍, ମାରି ଏନ୍‌ଆପିନ୍‌ ନାଙ୍ଗିଁ ମାନାନାନ୍‍, ୱାନ୍‌ ନା ପୋକ୍‌ତିମାନି ମାଲିକ୍‌ତିଙ୍ଗ୍‌ ମାନାନାନ୍‍; ଇରିଙ୍ଗ୍‌ ମି ୱିଜେରି ମାଣ୍‌କୁ ଏନ୍‌ ଇସ୍ରିକାନ୍‌, ୱାନ୍‌ ପେରିକାନ୍‌ ।”