Versículos bíblicos populares de Yohanes 14

Partilhar

Ai As eyebili jega ini imna samfer ga isege folbamini. Ini Amna Ase samfer folbana, ane aaiserem Ai ip golmini. Ai isa jes golminirim ibe, enggamyan ini samfer is jam ge folbamiyen, angtane enggalaiserem Ams tebayanaiserem ogiribe. Ini imna kabwakfer is jam ge folbamiyen, ane ijama ereyen.

Yesus ga aa tamawola, “Aiba nelsam Uwa Sanbagiri ijewera damtafe. Seyafter Ai Ajes bilirim jei bunar, ane Ai waakenfer gwelaiserem jamer abak-abaksus As golmini angtanefe. Angtane jei gam ge forobili alem Uwaminibe, jengga nele jemna Am tarasamer gangge jalbili.

Yesus ai angtane Jei ajeya tikwebaatinennerem ga as balbabili, “Ini imna is jam ge jenbamiyen. Uwa Sanbagiri Jam isa tebana, ane Ai mese Asi jam isa tebana.

Jengga Uwa Amna Jei se baftafa Angtane is Jei batobaabife, Jeiba Mafnana Uwa Sanbagirmana. Uwa Sanbagiri Jei Mafnana se baafulnu, aam temawer Ayam gunu. Mafnana Uwa Sanbagirmana is towas-towastababili seyafter bunarsusfer jeiserem, ane Jei ga is Jei se batobaabili, jega aamei ijama dirinswebabiyen seyafter Ai isa jes nasipminirim ibe.

Angtane As jei gam nesiktenerem, angtane jeiserem taterisi Amnaiserem mes gam taabili, ane jei ga gam eyebili Ai Ajes gam bilirim. Uwa Amna jei se nesiktene, jei As jei nesiktenerem. Ane Ai mese jeime As nesiktene, ane Ai Ana gase gweretana jemnibe.”

Ai Uwa As balfa, ane Jei is gaarmini ibe Angtane is Jei batobaabife, Ai gamserem isa gam batobaabilirim. Jeiba Mafnana Uwa Sanbagirmana, Jei nes Jei ge saamisini jeiserem seyafter ba bunaram. Jei ijebara gwef jamer abak-abaksus. Angtane Amanyanaiserem ogiribe, jei Mafnana Uwa Sanbagirmana jam ne domolyan, ane jam ne towaswebiyen. Ga jem temawer Mafnana Uwa Sanbagirmana Jam nwinyen jem inibe. Jengga aamei Jei imesa domola, ane Jei ibar daamfennabera nwini, ane Jei mes fortya im inibe.

Aamei As ijeya tebanaram, seyafter ijesa bilirim Am boseme, Ai isAs eyeipmisi ibe, jega Ai is gam As ge saamisini baabeta unggwandusa Uwa Amnaiserem Jemna. Afa aamei As ijeya tebanaram, apgal jigala jes igama bilirim Amnibe, Ai isAs gam eyeipmi ibe.”

Yesus gamjon ga gutena, “Afa aamei Ams isa nesiktene, seyafter Ai Ajes bilirim, ga jeter isa eyebili.

Uwa Amna Jem jenabe, mwona anesus angtane jep ge nwinbeleiserem. Afa mwona unggwanferyanaye, Ai enggame Ajam guyon, mwona jei ane. Jengga jep ga mwona unggwanfer, ane Ai ga Ajam sofna jewer, Ai mwona ibe isa gam menetabaipmisif.

Ai As sofnaram tamna ibe is Ajewer menetabaipmisif jamer taban. Jewer ga Ai ga gamjon gas warautna, ane aamei ga isAs aftabifele jebe, jega Ai Ajep nwinirim, aamei mese aameime jep isa nwini.

Jepga Tomas Yesus ga aa tenebana, “Tuhan, ai ajama towasweyan Aamei Ijewer sofnaram. Nele jeiserem ai fomfom asa towaswebana?”