Versículos bíblicos populares de Yohanes 5

Partilhar

Taterisi Ai isa Ajes nasipminirim jeiba bunaram. Angtane taterisi Amna As jei saribenerem, ane Uwa Amna Ai As Jei baftannuntum Jei aa jei tebanaram, angtane jeiserem jei waakenfer gwelaiserem jamer abak-abaksus mes domola, ane Uwa Sanbagiri Jei angtane jeiserem Jam tamtamtayan. Jei nele termanaiserem mes mirtetefala, ane jei nele waakenfer gwelaiserem ga jes onsobana.

Yesus Jei angtane bwernabara aa jei tanaram jes damtana, ane Yesus Jei tousa enggame jemna bwerna jamer taabilibe abaksusu. Yesus Jei angtane jeiserem ga tenebana, “Aamke bai jam waakenswefe?”

Aamei Taterisi Uwa Sanbagirmana waakenfer ima gerabistena, aam temawer aamei enggam ima gunu, waakenfer gwelaiserem jamer abak-abaksus jep gam isa domola. Jengga Taterisi jeiserem Am temawer jeteram nasbili. Jengga aamei bai Ai As ijama tebafe, jega waakenfer gwelaiserem jamer abak-abaksusu isa gam As golmini.

Yesus Jei angtane jeiserem ga aa bala, “Se irwe, tikar se golte, ane ga is wofena.” Yesus jebe jame aa galap balaram, angtane bwernabara jeiserem jei ga waakenswena, ane tikara ga aa goltena, ga aa sofwa. Bwembwema jeiserem jei ga nunu Sabatem etamwena, nunu angtane Yahudimana aa jem ge nwinbisiwefaram.

Jepga Yesus Jei ga balbabili enggame, “Ai bunarsusfer ims towas-towastababili, Aiba Tane Uwa Sanbagirmanam, jengga Ai apgal jigala Aner afa Ajam eyebiyen. Ai Amsam damtanant Uwa Amna awelna aa jes eyebilirim, ane Ai ga jeter Ai eyebili. Jega jem temawer seyafter Uwa Amna aa jes eyebilirim, Aiba Tane Jemnam As eyebili.