Versículos bíblicos populares de KAJADIAN 4

Partilhar

De beleyum nombaumo anu ma'ima', tantu beleyum tolomoing; panyo de beleyum nombaumo anu ma'idek, saba' dosa' montanda'imo minsoop i uno nu kinyonyoa nu beleyum. Dosa' kahanda'mo mongkuasai butong nu beleyum, panyo beleyum tionyo ahi' mohungku'i ia.”

I Set kino anak mo' ane anu sinanggohannyo i Enos. Mulai tempo' aitu mian nontampu'unimo nonsanggo, sanggo nu Tumpu de monsombahmo.

Pinokilawa nu Tumpu hi Kain, “Iyamo na i Habel utus ise' nu beleyum?” I Kain nontaami, “Aku madi' monsumbu'. Te aku na monjagai utusku ise'?”

Lantas Tumpu notatae, “Kadaka' beleyum nombaumo han anu ma'idek aijo'? Baso' nu utus ise' nu beleyum nolagamo mae aku hoso-hoson lengkat mae i tano', sumomo potatae anu moloboo' momoita da obalosakon.

Panyo Tumpu notatae, “Madi'. De beleyum opatei, saba' salaku pombalosi popitu' na mian tibamo anu mompatei beleyum aijo' suele opatei.” Lapas aijo' Tumpu nompokonaimo tanda hi Kain da ihe na singkabot tiba ia boli mompatei ia.