Versículos bíblicos populares de KADADDIYAN 9

Partilhar

Allah pas adhabu pole, “Menangka tandhana Tang parjanjiyan se langgeng ban ba'na, ban sakabbinna mahlok se odhi', Sengko' nyaba'a Tang gandhiba e langnge', menangka tandhana Tang parjanjiyan ban dunnya.

Mon badha andhang e ondhem, Sengko' tanto nangale'e andhang jareya, ban Sengko' bakal ngenga'ana parjanjiyan se langgeng e antarana Sengko' ban sakabbinna mahlok se odhi' e bume reya.

Sengko' agabay manossa epamerep ban Sengko' dibi'; daddi pa'-sapa'a mate'e oreng, oreng jareya bakal epateyana oreng keya.

Saellana jareya Allah laju aberkadi Ennoh ban tra-pottrana, sarta pas adhabu, “Mara ana'-rana' pabannya', sopaja na' potona ba'na mossa'e bume reya.

Ban-keban jareya kabbi, sarta bu-tombuwan se biru, bi' Sengko' ebagiya ka ba'na, gabay kakanna.

Keban, no'-mano' e bang-abang ban juko' e dhalem aeng bakal tako'a kabbi ka ba'na. Jareya kabbi bi' Sengko' epassra'agiya ka dhalem kakobasa'anna ba'na.

Mara ba'na ana'-rana' pabannya', sopaja na' potona ba'na mossa'ana bume reya.”