Versículos bíblicos populares de Yoane 15

Partilhar

Emi nde bokoli wa vina, inyo lole bitafe. Ende oyalʼelʼemi, ko emi njalʼelʼende, ende acwekʼamuka bauke. Ndʼewela wae ndalena lʼemi, lofokambeya bolemo bomoko.

Loyarelʼemi elenge eyalʼemi elʼinyo. Ngole etafe ntecwekʼamuka eko mongo, imola nko eyale ndʼokoli wa vina: nkʼelengʼeko lʼinyo imola nko loyalʼelʼemi.

Ayaka loyalʼelʼemi, ko baoyiʼakami bayala ndʼetemaʼekinyo, luola joi nko loswele lilangʼinyo, ko liko lifokelama elʼinyo.

Afʼinyʼansonakʼemi, lolondʼemi nsonakʼinyo, ko njolouzʼinyo wete lokende locwekʼamuka, ko bamuka bakinyo basekwa seko; wae joi nko loswele linduolʼinyo Fafa nda lina likami akayʼinyo.

Nkʼonto ole la eefe elekolʼene wae bonto ambya loiko lokae ndʼeloko ea balongoʼakande.

Wengi etafe elʼelʼemi efocwʼamuka, ende ofolʼeko ndofola, ko aongya wengi etafe ecwʼamukawae ecwe bamuka la mpafula.

Bone wete bosise bokami wae inyo lokanʼeefe, ngokiʼmʼokakʼinyo eefe.

Fafa ekami aokumyama lʼelengʼene, wae locwʼamuka bauke; ko inyo lifoyalema bakimiʼakami.

Emi nde bokoli wa vina wa nsosolo, ko Fafa ekami ale wesanyi owa bekoli bia vina.

Ayakʼonto afoyalʼelʼemi, aobokama ngole etafe, ko aenga mbaenga, ko baotakanya biko, ko baolusa biko nda tsa, ko biolongola.

Njosangelʼinyo baoyiʼane wete esaza ekami eyale ndʼetemaʼekinyo, ko esaza ekinyo efule mpafula.

Nga lofonga besise bekami, li-foyala ndʼeefe ekami; o ngokiʼmʼofongaka besise bia Fafa ekami, ko njala ndʼeefe ekande.

Nkayʼinyo bosise bone wae lokanʼeefe.

Nga lole ba-bokili, siki ba-bokili boka bakiyo mongo eefe; lolo banto bʼokili binʼinyo jino, efʼinyo ba-bokili; ekiʼmʼosonakʼinyo limʼokili.