Versículos bíblicos populares de Kutoma 15

Partilhar

Abramu adakhulupira MBUYA, na thangwi ya penepi MBUYA adakomerwa naye mbamuyesa munthu wakulungama.

Pikhadamala penepi, Abramu adaona masomphenya mbava MBUYA akulonga kuna iye kuti, “Abramu, leka gopa. Ine ndinakutchinjiriza kuna pyakugoswa, pontho ndinakupasa mfupo ukulu.”

MBUYA adenda na Abramu panja mbalonga mbati, “Ngayang'ana kudzuluku, pontho yesera kulengesa nyenyezi; iwe unati ukhale na pidzukulu pizinji ninga penepyo.”

Tenepo adava MBUYA akulonga kuna iye kuti, “Eliezere, bitchuyi nkhabe pita panyumba pako tayu, mbwenye mwanako chadi-chadi ndiye anafuna kupita panyumba pako.”

Tenepo MBUYA adalonga kuna iye mbati, “Upidziwiletu kuti pidzukulu pyako pinakhala alendo m'dziko ya enechiro, pontho iwo anakhala mabitchu a anthu a dziko yeneyo mbavuyiwa pikulu pyaka madzana manayi.

Mbwenye Abramu adatawira mbati, “MBUYA Mulungu, mfupowo unandiganyalisanji podi ine nkhabe mwana, pontho nyakufuna kupita panyumba panga ndi Eliezere, munthu wa ku Damasikoyu.

Pansiku yeneyo MBUYA adachita chiverano na Abramu mbalonga mbati, “Ndinati ndipereke dzikoyi kuna pidzukulu pyako kutomera madire a Iguputo mpakana kumkulo ukulu wa Yufurate

Mifendu minayi ya anthu inati ikwane pidzukulu pyako mbipidzati kubwerera kuno, thangwi kudawa kwa Aamori kudzati fika pakundendeya tayu kuti atchunyuswe nako.”