Versículos bíblicos populares de Yaaya 5

Partilhar

«Giyyoŋ! Na beneyyatoŋca seene: Gimu ma geewaa beneytu, o ga dowwica galbanti oko gata ma n̰akamminoo lekkica hayaatane ma gakamma ɗa ta kaw, o gi parlanti Mellayi bagaa ɗa, innasoopa, ga uttiyee oko botol ma kataa muuti, gaa icciɗe pe botol ma kataa hayaatane ma gakamma ɗa ta kaw.

Maa ga Iisa asiɗe iŋaa, gaa elliyya miiɗi kaaka ma oƴee. Gaa leeɗe kabarre kadar ga parayti kaaka domokkiyee. Gaa inniyya gaa: «Ki aŋka aɗe rayyido?»

Ku garkayya maani Kitamniti Mellayi, asan gi ma giraane taata ku leewe ku walaŋ ku gasakka botol ka hayaatane ma gakamma ɗa ta kaw. Beneyti Mellayi kaaka soopa beneyya ma gaartaw. Gaa ma kaaka aɗe, kuu alɗo aŋka ɗa ku jobbinno naata ma beraatoŋ hayaatane ma gakamma ɗa ta kaw.

Gaa Iisa beneyyiyyee gaa: «Wacu! Iccicca birisancum, kii tan̰n̰iɗo!» Gaa kaytiŋ ka ga gimu kaaka rayyidiɗe. Gaa waciɗe partakan̰, ga iccicca birsanti ga tan̰n̰iɗe. Caŋ gii meene taata pa maa ga rayyidiɗe, ay meene ta nambiti.

Gaa Iisa tiiliyyoo payya gaa: «Giyyoŋ! Na beneyyatoŋca seene: Runti Mellayi, gederra ɗa ga leeɗo maatiki kayti ka, illa ga leewa maatiki maa ga ella min oko Mella Baaba. Gaari paracco maa ga Mella Baaba leewa ga Runti kulla leeway