Versículos bíblicos populares de Yohana 10

Partilhar

U muhizi si kazaga bwete, langa kazaga ho yahize, ho yawulaje no kongomeza. Ane naza, anye ho muwe no wumi. U wumi wono wukwilaniciye.”

Ane yo nene mudimi muswanu. U mudimi muswanu, kawusuzaga u wumi wakwe ku soko ye zingholo zakwe.

Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Ane yo nene mulango, munhu hono yenjilile muli nene, kopona, kokwinjila kolawaniza, nayo kowona wudimo.

Ane yo nene u mudimi muswanu. Iwangu niwamanyile, nawo iwangu, wamanyile'ne

Baba mono yamhela, yo Muwaha yacizize wose, na hasina munhu mono kosuma kuziwusa mu miwoko ya Baba. Ane na Baba yo monga.”

nha vyono Baba yamanyile, nane vyono nimumanyile Baba. Nane nghuwulavya u wumi wangu, ku soko ye zingholo.

Hasina munhu mono yakumboka u wumi wangu, langa nghuwulavya nene no mweneco. I vilungo vyo kuwulavizya, nina navyo, ne vilungo vyo kuwusolela kanyhi, nina navyo. Na Baba vyo yandajiliza nitume.”

Holeka Yesu yakawatya kanyhi, “Mbeka nghumutyenyi, Ane yo nene mulango we zingholo.

U munhu mono yakudima ku soko yo kulipwa musahala, yuyo si mudimi, hamba ne zingholo si sawo yakwe, kolo yakuwona liminzi likuza, yakuzileka zingholo, yakutiza. Nalyo liminzi likuzibata no kuziyagaza.

Yesu yakatya, “Munhu wo wose mono si yakwinjilila mu mulango we libululu lye zingholo, ninga yakukolela ha wukolo wunji, yuyo muhizi, kanyhi muboci.