Versículos bíblicos populares de மத்தேயு 1

Partilhar

அவுளு ஒந்து கண்டு மொகுன எருவுளு. அவுரியெ யேசு அந்து பேரு மடகு. ஏக்கந்துர அவுரு அவுரோட ஜனகோளோட பாவகோளுல இத்து அவுருகோளுன காப்பாத்துவுரு” அந்தேளிதா.

அது ஏனந்துர: “இதே நோடுரி, ஒந்து கன்னி எண்ணு கர்பவாங்காயி ஒந்து கண்டு மொகுன எருவுளு. அவுரியெ இம்மானுவேலு அந்து பேரு மடகுவுரு”. இம்மானுவேலு அந்துர தேவரு நம்முகூட இத்தார அந்து அர்த்தா.

அவ ஈங்கே ஓசனெ மாடிகோண்டு இருவாங்க ஆண்டவரோட தூதாளு அவுனியெ கனசுல பந்து அவுனியெ காட்சி கொட்டு அவுனொத்ர, “தாவீதோட தலெகட்டுல பந்தோனாத யோசேப்பே, நின்னு இன்றாத மரியாளுன சேர்சிகோம்புக்கு அஞ்சுபேடா; தும்ப சுத்தவாத ஆவியாதவருனாலத்தா அவுளு கர்பவாங்காதுளு.

யேசு கிறிஸ்து உட்டிததோட வெவரா ஏனந்துர: அவுரோட அவ்வெயாத மரியாளுன யோசேப்பியெ நிச்சியமாடி இத்துத்து. அவுருகோளு எரடு ஆளுகோளுவு ஒந்து சேருவுக்கு முந்தாலயே அவுளு தும்ப சுத்தவாத ஆவியாதவருனால கர்பவாங்காதுளு அந்து அவுளியெ தெளுதுத்து. அவுளு கண்டனாத யோசேப்பு நேர்மெயாதோனாங்க இத்துதுனால, அவுளுன அவமானபடுசுவுக்கு மனசு இல்லாங்க, ரகசியவாங்க அவுளுன பேடா அந்து ஏளுவுக்கு ஓசனெ மாடிகோண்டு இத்தா.