Versículos bíblicos populares de MATIYE 5

Partilhar

Lampaŋ gəm ha'aŋ, hulum do'ona neŋ, wə guɓi karman wəra cəərə ba. Wə ɗe a mala wəra apəya a ko bə maltaŋa minti a walə ko bə giidə kuli la wəra keɗe'i. Aŋ gəm ta, pəɗaki nəətiŋ walə koŋ la a kəkəy bə minti aŋ jəəti kar pəsaŋ. Kaŋ əsnəy neŋ, yə isi bə tokɗe Bəraŋ Pep bə minti apəyaŋ haa gud kel dəŋa.»

Aŋ haa pəɗaki kə kaa gə cəərə seŋkaŋ. Vil də minti wəra də hərsə-hərsi apəya cəərə pərkiŋa neke bə mete ba.

Waaleŋ kə kaa gə minti ku tərməyi wəra də ɗampə-ɗampeŋ, gud bə minti yə ase Pepeŋ yaŋ dəmaŋ də diri.

Waaleŋ kə kaa gə minti də tay də minti té jəə la haa kel ɗekeriŋ, gud bə minti Pepeŋ siipiy ku tərməyi yaŋ diiri keɗe.

Səma ten waataŋ nin haa minti aŋ balə kaa kə acukur nəətiŋ la, aŋ toosə la cəərə kaa gə minti bə lasəŋaŋ.

«Waaleŋ kə kaa gə minti ɗiki di wəətəy minti yə gə kerpə-kerpeŋ, gud bə minti *Kumna kə Pepeŋ haa neete.

Waaleŋ kə kaa gə minti golde minti kəkaɓi jəə la adəwaldə kaŋa keɗeŋ, gud bə minti Pepeŋ bə məntəy yaŋ minti yə karmə tó.

Waaleŋ kə kaa gə minti paapa bə aŋke kusri baŋ, gud bə minti yə bə fele seŋka də minti Pepeŋ a waatəna sama wəraŋ.

Waaleŋ kə kaa gə minti bə se lasiŋa gud ɗe neete ɗeker bə gud Pepeŋaŋ, gud bə minti Kumna kə Pepeŋ haa neete.

Waaleŋ kə kaa gə minti jəəti giidi pəsaŋ sar kaŋaŋ, gud bə minti Pepeŋ ji giidu pəsaŋ yaŋ ciiri gəm.

Waaleŋ nəəti bə minti kaŋ bə sartənaŋ neŋ, minti yə lasənaŋ ne daana yə ŋeteŋ kel ne sarəŋa də kel kə bayməlaŋ keɗe gud kel dəna. Aŋ waalə la, aŋ gaɗtə la də waale gud bə minti werke boblo bə məŋ na apəy na tarmə pepeŋ na. Gud maa mo yə ləsaŋ *kaa kə jogte ku mini kə Pepeŋ gə ajew dəŋ haa damdi yə bə lasəŋaŋ ana faɗi gəm.»

Waaleŋ kə kaa gə minti bə laawe ku tərməyiŋ, gud bə minti Pepeŋ bə tiŋiy diri yaŋ.

«Aŋ haa damdi manta ana adəwaldə kaa gə cəərə seŋkaŋa gadi faɗi. Səma jəəne minti wə za'laŋ ne wəraŋ, hulum neke yaŋ bə həru dihi pə mo? Joŋre du pa pəda, yə vaw warna taakaw na, kaŋ təytu máŋ wəra.

Aŋ jəə la *cetceti damdi Bəraŋ Pep bə minti apəy daŋ wəra cetcetiŋ ana gəm.»

Aŋ waataŋ ne minti ‹ãã›, wə jəə la ãã bə gəəzə-gəəzi. Aŋ waataŋ ne minti ‹paapaŋ›, wə jəə la paapa bə gəəzə-gəəzi faɗi gəm. Aŋ faktaŋ kel gaalaŋ ne adaŋ, vəənəy ada haa Nər Sərkəŋ.»

 «Aŋ a əskəŋ wəra pa minti: ‹Hulum gaŋ dər kumsuŋ ne wəraŋ, gaw nuutuŋ la wəra gəm, wə həŋ kəsnə kumsuŋ ne wəraŋ, həw nuutuŋ la wəra gəm.› Səma ten waataŋ nin haa minti, hulum jəŋ baymele ne sarəmaŋ, a garge də awəy tiinu ba. Hulum laanam ne a gabyam kemeraŋ, yəəku la bə lama a gabyam gulaŋa pa.

Bədoona ana, jəəne minti gam bə yaake kəkəy bə deŋa haa dərəm kemer, bəərə la wəra, gaarə la warna faɗi. Gud maa mo, karman dəm pəŋ ne wəra sarəma mənaŋ, marya dəŋaŋ bə minti wə gam dər cəwa də bay teweŋa də kar dəm ada keɗeŋ. Jəəne minti gam bə yaake kəkəy bə deŋa haa kaasam kemer, jəməy la wəra, gay la warna faɗi. Gud maa mo, karman dəm pəŋ ne wəra sarəma mənaŋ, marya dəŋaŋ bə minti tam kele dər cəwa də bay teweŋa də kar dəm ada keɗe'iŋ.»