1
Joanes 15:5
Intas Etipup
Ek ohui vaine ainyak, eka ran aijaua: aien et amen ehelek aien, um amen ehelen ainyak, et obou aien um ahinag nohoan; el ek eti amen ehelemia ainyak, inyi ehka vai caua nagovaig tah nitai.
Comparar
Explorar Joanes 15:5
2
Joanes 15:4
Akumu amen ehelek aijaua, ekpu lep amen ehelemia ainyak. Et elika vai ran nohouvaig, et wat eti amen irai ohui vaine; et um ucco vai caua, el eka eti amen ehelek aijaua.
Explorar Joanes 15:4
3
Joanes 15:7
El eka amen ehelek aijaua, um lep amen ehlemia niji tas unyak, aku wit ugni nitai iji eigki aijaua, eka merit vaig aijaua, uhpu alupai caua.
Explorar Joanes 15:7
4
Joanes 15:16
Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak.
Explorar Joanes 15:16
5
Joanes 15:13
Et eti esjilid naiheuc o un tah natimi iran neigki, mika yi mas tah natimi vai ilpu etoan.
Explorar Joanes 15:13
6
Joanes 15:2
Et atipagki inran asega aien et amen ehelek, jam eti obou: et lep ahped ran asega aien et obou,, mika yi ahinag nohoan.
Explorar Joanes 15:2
7
Joanes 15:12
Intas alep unyak ineigki, mika yi aiyu jipe inliinmopomia aijaua vai caua, et idivaig naiyu u inliinmopok vai caua.
Explorar Joanes 15:12
8
Joanes 15:8
Aku wit ohou aijaua um ahinag nohoamia, uhpu imyiahpas Etmak; akupu lep ilpu atimi atahaijeg nyak aijaua.
Explorar Joanes 15:8
9
Joanes 15:1
EK ohui vaine inivaijec ainyak, et atimi aminjinaig vaine a Etmak.
Explorar Joanes 15:1
10
Joanes 15:6
El et eti amen ehelek tah natimi, uhpu ethaig pan itac yin et idivaig inran, etpu mese; era asjapicnaig natimi, um atijai an cop, um atnamud.
Explorar Joanes 15:6
11
Joanes 15:11
Ek mun asuptecnaig nitai iji eigki imi caua ainyak, mika yi amen ehelemia nimyiacitak unyak, um lep esjilid nimyiacitak unyimia.
Explorar Joanes 15:11
12
Joanes 15:10
El eka imyiaiji niji tas alep unyak aijaua, etpu amen naiyu u inliinmopok ainyak vai caua; et idivaig kis imyiaiji niji tas alep o Etmak ainyak, et lep amen naiyu u inliinmopon aien vai nyak.
Explorar Joanes 15:10
13
Joanes 15:17
Ek tas alep ehelemia ainyak irai itai iji eigki, mika yi aiyu jipe inliinmopomia aijaua vai caua.
Explorar Joanes 15:17
14
Joanes 15:19
El eka atimi an nobohtan aijaua, el et aiyu inliinmopoi atimi an nobohtan vai caua atimi ura: ja eka eti atimi an nobohtan aijaua, kis ehtai caua ira atimi an nobohtan ainyak, va nitai ineigki, era amcel vai caua natimi an nobohtan.
Explorar Joanes 15:19
Início
Bíblia
Planos
Vídeos