Versículos bíblicos populares de Mavanga 5

Partilhar

Buuna Peetelo na bilumbi bikima baafutili bo: «Hwafwana mu usiingala Nzambi, ka a baatu ve.

Na pasi ilumbu, mu nzo a Nzambi na mu manzo ma bo, bo baakahwada mu ubaalongese na ubaayabisa Musamu wu Mubwe ti Yisu ni Masiya.

Peetelo aleeli nde: «Ananya, muhima Satana hamiituma we mu uvanga buuna? We miipfuta Livupu la Ngidi na uswehe ibadi hya mbongo a toto. Tswamina we sumbasa toto a we, we aba uswehe yo mu we mwakulu. Napa humbisa usumbasa yo, we aba bunyanga mu usalila mbongo moyina mu lituma la we. Buni we bahi tsimi a pila yiniyi mu mutima a we? We a pfuti baatu ve, ka Nzambi we pfuti.» Bu Ananya hayuhi mambu momaana, nde abwidi na akwidi. Na boosi babaayuhi musamu mowunuwu, baamoni boomo bu bwafulala.

Bunuubu, me ndeele benu: Nyahani utsundana mu baatu mobaniba, nyahulaani bo bayene. Ka umono ti, matsimi ma bo na mavanga ma bo mali ma imuutu, mo mu udimbala mu nzila. Ka tso mbuli mo mamati huli Nzambi, benu a lutwala utsala mo ve. A liyehele ulwanisa Nzambi ve!» Baatu ba pfuundu banzonzi, baasilisi matsimi ma Ngamalyeli.