Versículos bíblicos populares de Yowani 2

Partilhar

Hiina ni iliimbu hya kimwili hya tsomi hi Yisu hasiidi. Aba hu musyenge a Kana hu Ngalili. Nde amwesi muyusu a nde, na bayihi ba nde baasiidi nde imiinu.

Yisu afutili nde: «Mukaasu, ki lo ŋa hati la we na me? Tangu a me kini a yaatoodi ve.»

Bunuubu, Yisu aleeli bo: «Lusaani masanga momanima mu mamba.» Na bo baaluusi mo. Yisu aleeli bo: «Ni tehaani mamba momaniima, na bitaani mo huli mukuutu mukungi.» Na bo baabitili nde mo.

Yisu afutili bo bunuubu: «Tsalaani nzo a ngidi moyiniyi. Mu bilumbu bitatu, me umbwetelemese yo.»

Bu nde havaangi ikooti mu mikudu, nde abingi bo boosi mu litandala la nzo a Nzambi, napa mandombo na bangombe ba bo. Nde atsali mbongo a banga masanzi, nde atakuli metse ma baakasalila, na nde aleeli huli basuumbisi ba mabembe: «Masaani bi byosi ŋa mbuha moyiniiyi. A likitusa nzo a Taata a me saandu ve!»