Versículos bíblicos populares de Yowani 4

Partilhar

Nzambi ni Livupu, hufwani ti boosi ba buukuunda nde, babaakuunda nde mu mutima na mu imbuli.»

Ka tangu sa yito, na yo yaamiito, yi bakuundi ba mbuli buukakuunda Taata mu mutima woosi na mu imbuli hyosi. Mu toni ati, ni bakuundi ba pila yiina Taata ali mu usaha.

Ka muutu wu unywa mamba ma me upa nde, a hubwebaha peyu ve. Mamba ma me upa nde, sa makituha mutswe a nzali mu nde. Ni mutswe a nzali wu ukaapalisa mamba na mifudi, te mu monyi wu bilima na bilima.»

Yisu ni ufutala nde: «Kini we ayaaba bungodu bwa Nzambi, na tso we kiyaaba na li mu uleele we: “Va me mamba ma unywa”, kini we ni wu kiivondo mamba ma unywa, na nde kiiva we mamba ma monyi.»

Yisu afutili bo: «Bya me byudya ni mu ukuhasa litondo la Taata wu atsindaha me, na umana isalu hi nde hava me.»

Mukaasu ni ukaala: «Pfumu, we ti a hali na itehili ve, titswene iyuna hyadongo. Hwavele itehili, we mamba mo ma monyi ka buni kiibaha?

Mukaasu ni uleele nde: «Me nzaabi ti Masiya wu bali mu uteele Kristo, mu uya ali. Ŋa nde huya, nde sa ayabisa bisu mambu moosi.» Yisu aleeli nde: «Me ni nde wuuna, me wu ndi mu utoyo na we.»

«Yamonwani bahala li limiiyaabisa me moosi ma me apaanga. Peleve nde ni Kristo hwande!»