Versículos bíblicos populares de Luuka 23

Partilhar

[Yisu aleeli: «Taata, sa bo kolo-kolo, mu toni ati, bo a bayabi ma bali mu uvanga ve.»] Bo baatiidi ngodo mu ukaba bikutu bya nde.

Yisu afutili nde: «Mu mbuli me ndi mu undeele we: loloyi, we uba itwadi na me hu paradiso.»

Titswene nde abweleele: «Yisu, yibwala me monyi, ŋa bu ubyalisa we mu Ipfumu hya we.»

Buuna Yisu afulihi mu mifudi myosi: «Taata, me tsusi ilunzi hya me ŋa myoho mya we.» Na bu nde haleeli buuna, nde amani muvumu.

Ŋa baayato ŋa mbuha mosi yi baakateele «Ibanga», masadaadu maakomini Yisu ŋa kuruwa, nzila mosi na biyahudi bibyole. Mumosi ŋa mbahala a Yisu, wuna ŋa kaasu a nde.

Hwaba hu pedu a ngunga ya mwangulu, na piipidi yabwidi mu tsi yoosi, na yakwilili te mu ngunga yi matatu ya humbisa a mwangulu. Litadi laadyami loosi, na nguumbu a mu nzo a Nzambi yapasihi mu bitini byole.

Hwaba na muutu mumosi, mukuutu a kama li balwani. Bu nde hamoni buuna, ayusi Nzambi na aleeli: «Ni mbuli, muutu mowunuwu a habeedi na toni ve.»