Versículos bíblicos populares de Lóka 6

Partilhar

Ógabeani ɓakpa, ɓánógabeande, ɓáotúmisa njombi nɛnu púu! Ɓáophikiɗia, áoɗuukanaga. Cǎ nde ǒgabea ɓakpa ně, a tɔ unge Mokonga aogabeande ně.»

Nga, nkpa anjánjá aophúia nyɔngɔ ánjá suɓi á kema ánjá á ka měma akɛ. Nkpa ajeɗe aophúia nyɔngɔ ájeɗe suɓi á kema ájeɗe á ka měma akɛ. Nga, aphenɔkɔ a tɔ ɔyɔnga nyɔngɔ nde atúmi ka měma á nkpa.

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Cɔ, ókuiani ɓakpa ngomi ɓíndɔ Abanu aǒkuia ɓakpa ngomi.

Ɓókotenɛmbɛ nyɔngɔ á nkpa ka gea, ɓákatenɛmbɛ nyɔngɔ ínɛnu. Ɓókotenɛmbɛ nyɔngɔ á ɓakpa ka gea, ɓákatenembɛ nyɔngɔ ínɛnu akpɛ. Ímani ɓojeɗe nde ɓakpa ɓági ka phɔanu ka gea, ɓáímɛ ɓojeɗe ínɛnu.

Nenóngoɗi ɓenu íɓunde ɓɔɔmɔɔ́ka: Ókondani ɓaɓíɓia anu, geani ánjá ka ɓunde ɓánokangei. Bisani njaga gǔ á ɓunde ɓáɔnɔsɛmɛaga, mɛmani Mokonga ka phɔa ɓakpa nde ɓáonókpetekea na nyɔngɔ ka mbɛa.

Nnde ɓokondi ɓakpa ɓágeɛ ka phɔa anu, geani phɔtɔ ɓó ka phɔa ɓɔ.

Ɓáɔkɔɓɛta ka ngaga moci, mpháia phɔtɔ ngaga ímbɔ ajigi. Kaɓɛ nkpa n'abɛɗi ngɔ́mbɛ nɛkɔ á phiɔ, nɗeketea phɔtɔ ngɔ́mbɛ á k'égogo. Nkpa nde aɔkɔmɛma kema, mopha ú. Aoɓá nkpa n'akouti kema nɛkɔ, kogeɛmbɛ ye áosikisiɛ.

Me anjánjá nnaɔgɔmbisa mbuka ájeɗe na me ájeɗe nnaɔgɔmbisa mbuka ánjá.

Ɓá tɔ omúba me ka mbuka akɛ. Ɓánáɔkɔɗa eɓombi ka cía. Ɓáná phɔtɔ ɔkɔɗa moyamba ka tómbá.