Versículos bíblicos populares de Fagsigadan 1

Partilhar

Ay Diyus nalong te, “Katsi, tam fagnangawatun, taw. Nu kawat tam, nanfakata tam antam. Ay kanya wa ban tagtanud fagayu tagleleg sa sangaba daga, ay anggan uyang sasad dagat, ay anggan manuk sas kiwang. Kanyai wa ban tagtanud fagayu nus nge wain sa sangaba daga.” Ay nu katanya, Diyus naawat wa long taw. Naawat sik ama ay sik ina. Ay nu kawat, nafakata tuwa anya.

Ay Diyus e fasadan tuwa masine sas taw. Nalong te, “Aayui wa ayuwayu, laman ban nus nganday fag lungud daga, umke taw tuwa. Ay am wan tagtanud fagayu ku naawat. Dewa uyang sasad dagat, dewa manuk sas kiwang, dewa mangimut sa sangaba daga, dewas nge wain fag tagleleg sa sangaba daga, am wan tagtanud.” Katanya Diyus at naelongan sas taw, gina igfoyung at fasadan.

Ebi ebi sis fagsigadan, Diyus naawat banwa ay daga.

Ay dewa Diyus naawat banwa ay daga, ya nafe kasinean. Ye suwadan, sanya sit naawat. Sik lino yay dawdaw tagsanya. Ay sa sangaba tungud lino marum wadi. Ay roro mangaro sanya sisad marum, sis tungud lino, e glelegan. Roro mangaro, kanya Diyus wan. At Falad wan.

Ay nu katanya, Diyus nalong wa te, “Katsi long, e mayamagi wan.” Ay inke mayamag wa fiya.

Ay Diyus nalag te, masine way ngap at naawat. Ay inyabi wan, ginanya fag menit. Ay balabag di, inmenit yangay. At masuwad, intabu wan at faunumk menit.

Ay Diyus nalag te, masine tuwa at naawat fag mayamag. Ay Diyus nafasaman at mayamag ay at marum.

Ay glong yangay te, “E fon aktuwa at fakonun sanya fag ngay mangimut. Fagayu don ay fagayu makmak, ku nafon at fakonun. Ay si ayu ay fakonun, fagayu buwadan.” Ay katanya wa fiya at kin-gurungan.

Ay kanya fag mayamag, Diyus nafangayan te, “menit”. Ay kanya fag marum, Diyus nafangayan te, “yabi”. Ay inyabi wan, ginanya mandi fag menit. Ay balabag di, inmenit yangay. At masuwad, intabu wan taguna fag menit.

Ay sis faduwak menit, Diyus nalong te, “Katsi e fanbukngai wan sanya fag lino daul, laman ro at lino daul umkafud duwa. At sadik afud, sis tungud fanbuknga, ay at sadi, sit daga baliwa. Ay sad buknga we lino.”

Ay glong yangay te, “E fon aktuwa at fakonun sanya fag ngay mangimut. Fagayu don ay fagayu makmak, ku nafon at fakonun. Ay si ayu ay fakonun, fagayu buwadan.” Ay katanya wa fiya at kin-gurungan.

Ay sis faufatk menit, Diyus nalong te, “Katsi asurei sik ngay mayamag sis banwa, laman ro e gyamag sas wa daga. Ay gina ban at ngay taw lumag nu e mayamag sas banwa, sumaful te, ‘E, katsi mamenit wan.’ Ay ate ro sumaful te, ‘E, katsi inyabi wan.’ Ay sanya ginan fag ngay mayamag taw fagsafulan ban te kadugenya sik menit, ay kadugenya sik banwa, ay kadugenya sik fanmoyanun ay fansudyangun ay tiba yak lungud takatanya.” Ay insure wa fiya, sik ngay mayamag.

Ay Diyus nalong yay te, “Katsi atugbungi sik ngay melo sa sangaba daga. Nus nge wain fag ngay tagtugbung, dewa alay sirut fag melo ay dewa tagbvt ayu daw fag ngay fun kayu, atugbungi wa sanya. Ay kanya fagayu e buwadani tuwa, ay e ngay butuli tuwa mandi, laman ban gtunglus tuwa kanya mandi ataw.” Ay in-gurungan wa fiya kata Diyus at longan. Ay nu katanya wan, Diyus nalag te masine at naawat.

Ay Diyus nu nalong katanya, inke fanbuknga wa fiya. Ay at lino daul inkafud wa fiya duwa. At sadik afud lino, si was tungud baliwa. Ay at sadik afud, sit daga baliwa.

Ay Diyus nalong yay te, “Katsi atugbungi sik ngay melo sa sangaba daga. Nus nge wain fag ngay tagtugbung, dewa alay sirut fag melo ay dewa tagbvt ayu daw fag ngay fun kayu, atugbungi wa sanya. Ay kanya fagayu e buwadani tuwa, ay e ngay butuli tuwa mandi, laman ban gtunglus tuwa kanya mandi ataw.” Ay in-gurungan wa fiya kata Diyus at longan. Ay nu katanya wan, Diyus nalag te masine at naawat.

Ay sanya ginan fag ngay mayamag Diyus at naawat, at duwa glabi tuwa tiba nu gdamlag. At sadi, taglabi nu gdamlag, tagyamag sis wa menit. Ay at sadi, at yud katvngvd tv nu gdamlag, tagyamag sad yabi. Ay saman kanya fag duwa, Diyus naawat yay galeme ayuwayu.

Ay sis fatuluk menit, Diyus nalong te, “Katsi, tagsit daga baliwa fag lino afuli wa sa sik lungud. Ay nu katanya ro, umke ngay lungud at yud e lino.” Ay katanya wa fiya. Ay Diyus nafangayan at yud e lino fag ngay lungud te, “daga”. Ay kanya fag lino daul, Diyus nafangayan te, “dagat”. Ay Diyus nalag te, masine tuwa at naawat.

Ay Diyus e fasadan tuwa masine sanya fag ngay tagleleg. Glong te, “Aayui wa ayuwayu, dewa tagsisad lino ay dewa tagsisad kiwang. Aayui wan.”

Ay nut si was faunumk menit, Diyus nalong te, “Katsi, e ngay mangimuti wa ayuwayu sa sangaba daga. Ay anggan nus nge wain fag ngay tagleleg si sangaba daga, e kwai tuwa.” Ay inke kwa wa fiya katanya, kata Diyus nalong.

Ay sis falimak menit, Diyus nalong te, “Katsi, e kwai tuwa ayuwayu, tagleleg sasad lino. Ay anggan manuk taglayug sa sangaba kiwang, e kwai yangay ayuwayu.”

Fagayu nus nge wain fag mangimut, sanya wa sangaba daga. Ay fagayu nus nge wain fag ngay tagleleg sa sangaba daga, sanya yangay. Ay Diyus nalag te, masine tuwa at naawat.