Versículos bíblicos populares de လက် 23

Partilhar

ဇဝ် ယေဆူ ယီ တဝ်း၊ “အိုယ် ဂုန့် အုဝ်၊ အုဝ် မှာန့်၊ တဲး မဲ ဂဝ်း ဝဲန် မှာပ် ဂေ။ ဂေ တူ နပ် မာဆေ ပီ ဘူင် ဂေ ဒီ အုဝ်။” ဂေ ဒါ ဆိုက် ယီ ကာဆာင် ခြိုင် ပီ တာ အန်၊ လာယ် ကာဒုဝ်၊ အာဆေ ဒီ ပွိုန်။

ဇဝ် ယေဆူ ဝီ တဝ်း ဒီ အန်၊ “အုဝ် တဝ်း အာခ်ု ဒီ မဲ၊ အာတိုဝ် နီ မဲ ဒီ ပွိုန် ကွယ် ဒါခိုယ်၊ ကွယ် ရိုမ် ဒူပ် အုဝ် ခဲင် မိူင် ဒါခိုယ်၊ မိူင် ဂျာမ်ဆာ။”

အန် ဟဲ့ ဟွတ့် ကာလာင် ပါယ် တီ၊ အန် ဝီ တဝ်း ဒီ ဇဝ် ယေဆူ၊ “တဲး မဲ နမ်လှုဝ်း အုဝ်။ ဆေ မဲ ဇမ် ခဲင် မိူင် ပီ အိုပ် မဲ၊ ကွဲ့ တဲး မဲ ပိဝ် အုဝ်။”

ဇဝ် ယေဆူ ဘော ဒတ် တာင် တဝ်း၊ “အိုယ် ဂုန့်၊ အုဝ် အာပ် နဝ်း ဖွိုမ် အုဝ် ဒီ မဲ၊” အန် ဟဲ့ ဟွတ့် တဝ်း ပါယ် တီ၊ ဖွိုမ် အန် ဘော တူတ့်။

ဂေ ဟဲ့ တး ဇမ် ဒူင် စိူဝ် ဒူင် ကွယ် ကာအာင် ဂိန့်၊ ဂေ ဘော ဒိုက် ဇဝ် ယေဆူ ဒီ ရွင့် ကာဝဲ့။ ဟဲ့ ဟွတ့်၊ ဂေ ဘော ဆမ် ရွင့်။ န့ ဘော မိုဝ်း ဒူအီ မိုဝ်း မှာပ် အာ ဝီ ဒိုက် ဒီ ရွင့် ကာဝဲ့ ခူပ် ဇဝ် ယေဆူ။ ဂေ တဲး အူ ဝီ ကွယ် ဘ့လာက် အာအး ပေါ အူ ဝီ ကွယ် ဘ့လာက် အာဂ အန်။

ပန် တီ ဟဲ့ ဇမ် ကာတဲ ဆီငဲ။ ဒေါ အန် တီ ခဲင် မိူင် ဘော မိူင် ဘော အပ် ဝွင့် အာဒါ အူယ် နာရီ။ ခဲင် ဟုဝ် ဇဝ်ဖြာ န့ ယီ မိုဝ်း ဘိက် ဂွင့် အီ ဘဲန် ရဲင် အီ စန် ကာဆဝ်။ န့ ဘော ကာယာတ့် ရာင် အန်၊ ဘဲန် အာ ဘ့လာက်။

န့ ယီ မိုဝ်း ဒူအီ အီ အိုပ် ဒါ ဆိုက် အူ မာယဝ်း ဝီ၊ ဒေါ ယိုဝ် အန် ဒွန် မျုဝ် ပါယ် တီ၊ အန် စုး ဒီ အိူပ် ဇဝ်ဖြာ။ အန် တဝ်း၊ “ဟဲ့ မုး၊ ဟဲ့ မှာန်၊ ဒူအီ တီ ဟဲ့ မုး ဒူအီ ဆိူဝ်၊ ဒူအီ တူ ဘူင် မှာပ်။”