Versículos bíblicos populares de Yowana 11

Partilhar

Yeesu ˆnaamusubhya ati, “Ni anye obhusuuki bhuyo, na obhurame. Omuunu woonewoone unu kaanyiikirisha, raabhé akafwa, aribha-wo ˆneesha omwoyo. Na woonewoone unu kaarama aanyiikirisiishe, atarifwa kajaanende. Angu, owiikirisha gayo?”

Mmbe, Yeesu ˆnaamubhuusha ati, “Angu, nitaakubhwira ati, ukeekirisha, owuuja okurora obhugungyo bhwa Nyamuwanga?”

Yeesu ˆnaarira.

Bhunu Yeesu ꞉oonguuywe amangʼana gayo, ˆnaaika ati, “Obhurwaye bhuyo bhutari bhwa kumwita, tari ni bhwa okweresha obhugungyo bhwa Nyamuwanga. Arwaye insonga Omwana wa Nyamuwanga, agungibhwe okuturira ku-bhurwaye bhuyo.”

Bhunu Yeesu ꞉aamarire okwaika amangʼana gayo, ˆnaamura obhuraka ˆnaabhirikira ati, “Raajaaro, nuuje anja enu!” Mmbe, omufuuye ˆnaasooka mu-mbiiyira, abhoyerwega mu-nsanda, na abhoyerwe ekitambaara mu-bhusu. Mmbe Yeesu ˆnaabhwira abhaanu bhayo ati, “Mumusurumure insanda iyo, mumusige aribhate.”

Bhunu Yeesu ꞉aariga akyari na obhururu mu-mwoyo gwaye, ˆnaayika ku-mbiiyira. Imbiiyira iyo ꞉yaariga iri nsenga, na ku-munwa gwayo ꞉bhaariga bhayisibhire na egina enene.

Bhunu Yeesu ꞉aamarire okwaika gayo, ˆnaagenderera okubhwira abheeyigira bhaaye ati, “Musaani weeswe Raajaaro awongeeye, nawe enigenda insonga nimuramushe.”