Versículos bíblicos populares de Yohanna 6

Partilhar

Pa Yeso yǝɓǝ nkee me, “Nǝn nkaadǝng ǝn nasǝ huurtu wa. Yaa yǝ wosǝ a nani ya, ɗoora aa si ɗǝm ra, ɗǝm yaa yǝ nasǝ ɓongtǝra ma niina ya, mbraa aa si ɗǝm ra.

Wis nwa, ǝn sase yǝn nasǝ huurtu ya, maabiri ya, yǝ sem mbuka ra, yǝ sal. Matamse nǝ nkeesǝsǝ ta, ǝn Wiso ma ɗǝm huurtu.

Sǝ kǝr mbuseya ka tǝblǝ ɓa ra, pa sǝ kǝr mbuseya kǝsa taa huurtu pakarese wa, u Au Ete ya kiyǝ sǝn na wa. Me ǝn sase u Kaa Papa weesǝ weɗɗa me yǝ yau ma sasen ya wa.”

Me paane yǝn taa me, nsaad yaa yǝ sengesǝ Auwesi ya, yǝ ɗǝm na ɓongtǝra ma sase ya, kiya taa huurtu pakarese wa, ɗǝm ka niki a kaa feɗefeɗe ɓa.”

Yeso yǝ kak me, “Tinima Kaa ma, ǝn siso nwa, aa yau ma yaa yǝ timisǝsǝ ya.”

Ɓaa nsaad paane yǝ nanǝsǝ ɓa, ɓǝkǝ wo a nani, ɗǝm nsaad yaa yǝ wosǝ a nani ya, naa pǝta pǝǝ wo ra.

Pa Siman Bitrus yaa kak, yǝ nkee me, “Ankundi, tǝ ko a yamni niu? Ngǝ ma matamse huurtu pakarese wa.

Nǝn nkaadǝng ǝn nasǝ huurtu u fiɗsǝ a liura wa. Me yaake yǝ kǝu nkaadǝng siso, kiyǝ taa huurtu pakarese wa. Nkaadǝng kawa ǝn maabiri yaane, u kǝna na wa, me ɓet put ntaadi wa ɓa, ɓǝ taa huurtu.”

“Yaake sem kǝn kiya wo a nani wa ra, me sem yaa Kaa yǝ tungsǝsǝ ya ra, ǝn sase kǝnǝ sa nik a kaa peɗepeɗe ɓa.

Me nkaadǝng u Kaa wa, ǝn sase yaa yǝ fiɗsǝ a liura yǝ ham ya, pa me yǝ na huurtu ɓet put ntaadi wa ɓa.”

Nǝn nkaadǝng ǝn nasǝ huurtu wa.

Pa Yeso yǝ too nkaadǝng suwa, yǝ na himara Kaa, pa yǝ ɓaa ɓaa ɓǝ kaɗsǝ sǝɓa, hana yamni nga yǝn taasǝ wa. Yǝ tom maaso ɗǝm ma nseeya kasa. Pa ɓǝ kǝusǝ ɓǝ nkwee wa, Yeso yǝ nkee emfǝɗkaa ɓǝsa me, “Sǝ kwau mbu fesǝ ɓa. Sǝ lee mbuka aa tǝblǝ ra.”

Ndiira ɓǝ sikisǝ kilometa woonon wa, pa ɓǝ wǝr Yeso yǝn wowo ma lau kurnyaamo wa, yǝn sikinsiki a ɗuura mbraa ra wa, pa kokto ɓǝ ma, ɓǝ maɗki. Pa yǝɓǝ nkee me, “Ən niina, sǝ kura kokto ra.”