Versículos bíblicos populares de ລູກາ 24

Partilhar

ເຮົາ​ຈະ​ສົ່ງ​ສິ່ງ​ທີ່​ພຣະບິດາເຈົ້າ​ຂອງ​ເຮົາ​ໄດ້​ສັນຍາ​ໄວ້​ມາ​ໃຫ້​ພວກເຈົ້າ, ແຕ່​ຈົ່ງ​ຢູ່​ໃນ​ເມືອງ​ນີ້​ຈົນ​ກວ່າ​ພວກເຈົ້າ​ຈະ​ໄດ້​ຮັບ​ລິດອຳນາດ​ທີ່​ມາ​ຈາກ​ເບື້ອງເທິງ”.

ພຣະອົງ​ບໍ່​ໄດ້​ຢູ່​ທີ່​ນີ້, ພຣະອົງ​ເປັນຄືນມາ​ແລ້ວ! ຈົ່ງ​ລະນຶກ​ເຖິງ​ສິ່ງ​ທີ່​ພຣະອົງ​ໄດ້​ບອກ​ພວກເຈົ້າ​ໄວ້​ໃນຂະນະ​ທີ່​ພຣະອົງ​ຍັງ​ຢູ່​ກັບ​ພວກເຈົ້າ​ໃນ​ແຂວງ​ຄາລີເລ​ວ່າ

ຫລັງຈາກນັ້ນ ຕາ​ຂອງ​ພວກເພິ່ນ​ກໍ​ຖືກ​ເປີດ​ອອກ ແລະ ພວກເພິ່ນ​ຈື່​ພຣະອົງ​ໄດ້ ແລ້ວ​ພຣະອົງ​ກໍ​ຫາຍ​ໄປ​ຈາກ​ສາຍຕາ​ຂອງ​ພວກເພິ່ນ. ພວກເພິ່ນ​ຈຶ່ງ​ເວົ້າ​ກັນ​ວ່າ, “ໃຈ​ຂອງ​ພວກເຮົາ​ກໍ​ຮ້ອນຮົນ​ຢູ່​ພາຍໃນ​ຂະນະ​ທີ່​ພຣະອົງ​ກ່າວ​ກັບ​ພວກເຮົາ​ຕາມ​ທາງ ແລະ ໄດ້​ຍົກ​ພຣະຄຳພີ​ມາ​ອະທິບາຍ​ໃຫ້​ພວກເຮົາ​ຟັງ​ບໍ່​ແມ່ນ​ບໍ?”

ແລ້ວ​ພຣະອົງ​ກໍ​ກ່າວ​ແກ່​ພວກເພິ່ນ​ວ່າ, “ນີ້​ຄື​ສິ່ງ​ທີ່​ຂຽນ​ໄວ້​ຄື ພຣະຄຣິດເຈົ້າ​ຕ້ອງ​ທົນທຸກທໍລະມານ ແລະ ຕ້ອງ​ເປັນຄືນມາຈາກຕາຍ​ໃນ​ວັນ​ທີ​ສາມ, ແລະ ການ​ຖິ້ມໃຈເກົ່າເອົາໃຈໃໝ່​ເພື່ອ​ການອະໄພ​ບາບ​ຈະ​ຖືກ​ປະກາດ​ໃນ​ນາມ​ຂອງ​ພຣະອົງ​ແກ່​ທຸກ​ຊົນຊາດ, ເຊິ່ງ​ເລີ່ມ​ຕັ້ງແຕ່​ທີ່​ເຢຣູຊາເລັມ.

ພວກເຂົາ​ໄດ້​ເຫັນ​ວ່າ​ກ້ອນຫີນ​ໄດ້​ຖືກ​ກຶ່ງອອກ​ຈາກ​ປາກ​ອຸບມຸງ​ແລ້ວ, ແຕ່​ເມື່ອ​ພວກເຂົາ​ເຂົ້າ​ໄປ ພວກເຂົາ​ກໍ​ບໍ່​ພົບ​ສົບ​ຂອງ​ພຣະເຢຊູເຈົ້າ ອົງພຣະຜູ້ເປັນເຈົ້າ.