Versículos bíblicos populares de မဿဲ 23

Partilhar

နန်းနို့လေထဲမာ ကီးဆောင်းဖြစ်ဟှူ သူဟှာ နန်းနို့ရဲ့ စေခံဖြစ်ရမယ်။

ကိုယ့်ကိုယ်ကိုယ် ချီးမြှော့‑က်ဟှူသူဟှာ နှိခ္လခံရလေ့မယ်။ ကိုယ့်ကိုယ်ကိုယ် နှိခ္လဟှူသူဟှာ ချီးမြော့‑က်ခံရလေ့မယ်။”

“သူတော်ကောန်းယောန်ဆောန်ဟှူ ကျမ်းပြုဆရာလေန ဖာရိရှဲလေ၊ နန်းနို့လေဟှာ အမင်္ဂလာရှိလေဟှယ်! နန်းနို့လေဟှာ ပန်ဇီး၊ စမွှတ်န ဇီယာလေဟှို ဆယ်ဖို့တဖို့ ပေးဂေ့ဟှယ်။ အယ်ဘေမဲ့ ပညတ်တရားထဲမာ ပိုဘီး ရေးကီးဟှူ တရားမျှတမှု၊ သနားကြင်နာမှုန သစ်စာရှိမှုဟှို လတ်လျူရှုဟှားဂေ့ဟှယ်။ အယ်မူဇာလေဟှို လောက်ရမယ်ဖြစ်ဘီး စဒူးဟှပြောဟှားဇာလေဟှိုလည်း ထားရစ်န။

“သူတော်ကောန်း ယောန်ဆောန်ဟှူ ကျမ်းပြုဆရာလေန ဖာရိရှဲလေ၊ နန်းနို့ဟှာ အမင်္ဂလာရှိလေဟှယ်! နန်းနို့လေဟှာ ခွပ်နစံရဲ့ပ္လန်ဟှိုဘဲ့ စင်ကြယ်စေဘီး နန်းနို့ရဲ့ စိထဲမာ လောဘလွန်ကျူးရှင်းန ကြမ်းဖတ်မှုလေ ပ္လဲ့နေလေဟှယ်။

“အို၊ ယေရုရှလင်ဗြို့၊ ယေရုရှလင်ဗြို့! နန်ဟှာ ပရောဖက်လေဟှို သတ်ဘီး ဘုရားသခင်စေလွှတ်ဟှူ တမန်လေဟှိုလည်း က္လော့‑က်ခဲန ပစ်လေဟှယ်! ကြစ်မဂီးဟှာ ကြစ်သားဂန်းဟှားလေဟှို သူ့ရဲ့ တွန်အော့‑က်မာ စုဘီးထားဟှူမျိုး ငါဟှာ နန့်ဟှို စုဘီးထားဟှို့တွပ် ခါဘီးခါ လိုရှင်ဟှားဟှယ်!

အယ်မျိုးဘဲ့ နန်းနို့လေဟှာ အပ္လန်အားဖြင့် လူလေရှေ့မာ ဖြောန့်မတ်ဟှယ် ဆိုဘီး ထန်ရဟှယ်။ အယ်ဘေမဲ့ နန်းနို့ထဲမာ ဟန်ဆောန်ဟှူ ဇာလေ၊ ဆိုးညစ်ဟှူ ဇာလေန ပ္လဲ့နေလေဟှယ်။”