Versículos bíblicos populares de Luuk 23

Partilhar

Jisasollu i'noguropte tovi toro movoromiyoguroptowosodopure toga Jisasol Gooti toollu aro kuudokaikono. “Mi Nyunumiyagoloo, a'mwo su tooro mi kaiyako sanyugolmwakopo tovino kuudo nonagutorogano. Toro tovino tov guu kemoro ma'no ma'nodo tovuro kirumwallo tovi yiunokuudo modukwopibinekugono.” Kuudokaikono. Toro wuujuno sumaiyokwe toga a'mwo mollurogudo tooro gamoro youro ton mojuru'bworoso'mno gadool gadool marono'mdukoneyokwe tovino sumwonyo puruv soporogano.

Toro kuudoka toollu Jisasol kuudokaikono. “Nebal'no gudumo'mokwono. Anuugwo toga guvu ago sugumaluko kuunodo toru nuuge nomwalosunekugono.” Kuudokaikono.

Toro wuujuno sumaiyokwe aki Jisasollu aro kuudokaikono. “Oo guu aguto kig tookujuro mido mollomwalo toru'no sulai'mo'bi toga mino kuudo nyallulo'gwonbiyo.”

Toro imo'nyuno sumaiyokwe toga Jisasol deko guureji aro adokaikono. “Mi Nyunumiyagoloo, moro kuullo tool gumoro ato tovi agubwemono.” Toro juno sumaiyokwe toga yiuno'no abolokaikono.

Toro mogaibworomokavla'mno sumaveyokwe kwako puvi ai'movoporogano. Kwako su tovino yovo tov Mibodoptovo dodupudorukono. Toro towai ai'movopo toga Jisasollu amovoromiyoguroptowosoporogano. Aki kirovanyuvanyokwe su toorake'aro amovoromiyoguroptowosoporogano. Toro tooralluro pwollu Jisasolluro anatomgu pwollu kwonamomgu amovoromiyoguroptowosoporogano.

Toruda'ai kuujunapto kuunodo toga yiuwi'nokai kwako tomuu dugumdo kimwonyopiyo'no kuujo sumdo pullapullu kuuwolo'nokakwono. Kuujo toolluro bako tov dugumdo kimwonyopiyoduke toga Jeruusalemda'ai Gooti toollu ilomoropiyo'moneyokwe ago tovi anakuuto tomuu Gooti toolluro pwekwapto kuunodo toru'no youro kudo'aiko allukurosungiko tov akuuto toru'aro rojomokwolabo'no imgu amgu kworokakwono.

Yiuwi'nokai su toro wimo'noduke tonyu a'mwo mollurogudo toorai mollubworomokwanyokwe pwol wobo toru amuugonodaiyajukekono. Toro tool Gooti toollu ilomodomoropiya'no aro adokaikono. “Oo a'mwo akal ma'no ma'no puru'monodo kuruv miyodowodekono.” Adokaikono.