Versículos bíblicos populares de Лука 3

Partilhar

Ламотне кстиндафтсть пря Иоаннонь кядьста. Иисусовок кстиндафтсь пря и, мзярда Сон озондсь, панжевсь менельсь, и Иняру Ваймопожфсь няевиста, гуляня лаца валгсь Сонь лангозонза, и менельста кулевсь вайгяль: «Тон Монь кельгома Цёразят; Тон Монь кенярдемазят!»

Иоанн тянь каршес корхнесь сембонди: «Мон кстиндатядязь тинь ведьса, но мельган сай мондедон Виись, и мон аф кондястян нльне сандалия шнанянцка юксомс. Сон кармай тинь кстиндамонт Иняру Ваймопожфса и толса.

Эсь тевсонт няфтесть Шкайти шарфтомантень, и тяда арьсе идемс прянтень валса: "Минь аляньке – Авраам". Корхтан тейнть: Шкайсь машты тиемс ня кефнень эзда Авраамонди итть.

Узерсь ащи ни шуфттнень юрснон ваксса: эрь шуфтть, кона аф канды цебярь имошт, керсазь и ёрдасазь толти».

Лиссь стане, кода сёрматф Исаия пророкть книгаса: «Серьгядить вайгялец кайги шавмодаса: "Аноклада Азорти ки, видептесть Тейнза китнень-яттнень! Эрь лашмось пяшкодеза, эрь пандсь и губорсь алнялгодоза, кичкор китне видемост, лотку-латкуфне вадявгодост. И эрь ломанць няйсы Шкайть эзда идемать!"»