Versículos bíblicos populares de Лука 9

Partilhar

Иисус мярьгсь сембонди: «Кинь мялец молемс Монь мельган, ся катк макссы эсь прянц Тейне, сявсы крёзонц и моли мельган.

Сяс мес кие ёрай ванфтомс эряфонц, ся юмафтсы сонь. А кие юмафтсы эряфонц Монь инксон, ся ванфтсы сонь.

Иисус мярьгсь тейнза: «Ся, кие кундась сокати и ванонды фталу, Шкаень Оцязорксшити аф ладяй».

Кодама лезкс ули ломанти, кда сявондярясы эстейнза сембе масторлангть, а эсь ваймонц юмафтсы-арафтсы али эсь прянц вятьсы кальдявс.

Кие виздьсамань Монь и Монь валнень, сянь Ломанень Цёраське виздьсы, мзярда сай Эсь иневалдсонза, Алянц и Шкаень ангелхнень иневалдсост.

Иисус мярьгсь тейнза: «Келаснень улихть варясна, менелень нармоттнень – пизосна, а Ломанень Цёрати аш коза путомс пряц».

Мярьгсь тейст: «Кие сявсы тя идть Монь лемсон, ся Монь сявсамань; а кие Монь сявсамань, ся сявсы Монь Кучиезень; вдь кие эздонт инь ёмлась, ся ули сембода оцю».