Versículos bíblicos populares de Матвей 5

Partilhar

Ӧзтӧм бисӧ озӧ пуктывлӧ гырнич увтӧ, сійӧ сувтӧтӧны бивидзан вылӧ. Сэк биыс керкуас быдӧнныслӧ югытсӧ сетӧ. Сідз и тіян югытныт ась югдӧтӧ. Отирыс ась адззӧны тіянлісь бурсӧ керӧмнытӧ да ошкӧны енӧжись Айнытӧ».

Отирлӧ тійӧ ─ югдӧтан. Керӧс вылын сулалан кар сайӧвтчыны оз вермы.

Сӧстӧм сьӧлӧмаэс шудаӧсь: нія Енсӧ адззасӧ.

Шудаӧсь, кӧдна сёян-юан моз кошшӧны Ен сьӧрті веськыта олӧмсӧ: нія пӧтасӧ.

А Ме тіянлӧ висьтала: Тіян вылӧ лэбтісиссесӧ радейтӧ. Бласлӧвитӧ тіянӧс ёрдіссесӧ. Кӧдна синӧн озӧ вермӧ видзӧтны тіян вылӧ, нылӧ бурӧ керӧ. Енлӧ кеймӧ тіянӧс дзерӧтліссез да вашӧтліссез понда.

«Шудаӧсь ловныслӧ кориссес: нылӧн эм Енӧжись Юралӧм.

Йӧзӧс ӧтамӧдкӧт бурӧтісь-лӧньсӧтіссес шудаӧсь: Еныс нійӧ Аслас челядьӧ пуктас.

Шудаӧсь горзіссес: нійӧ бурӧтасӧ.

Ен сьӧрті веськыта олӧм понда вашӧтӧммес шудаӧсь: нылӧн эм Енӧжись Юралӧм.

Шудаӧсь небыт сьӧлӧмаэс: Еныс сетас нылӧ небыт сьӧлӧмсянь.

Тійӧ шудаӧсь, Ме понда кӧ тіянӧс пондасӧ видны, дзескӧтлыны-вашӧтлыны, тіян йылісь вӧвлытӧм умӧльсӧ пондасӧ висьтавлыны. Гажмӧ, гажӧтчӧ: енӧжас тіянлӧ лӧсьӧтӧм ыджыт козин. Сідз дзескӧтлӧмась-вашӧтлӧмась и Енсянь юӧртіссесӧ, кӧдна олісӧ тіян одзын».

Шудаӧсь раммес: нылӧ сетасӧ кӧсйӧм мусӧ.

«Му вылас тійӧ ─ сов. Ӧштас кӧ солыс солалан вынсӧ, мыйӧн сійӧ бӧр керан соланас? Сэк сія некытчӧ ни оз туй, сійӧ чапкасӧ отир кок увтӧ.

Енӧжись Айныт быдсӧн бур! Сы моз и тійӧ лоӧ быдсӧн бурӧсь».

Тіян кывныт ась лоас чорыт: "сідз"-ныт ась лоӧ "сідз", "ог"-ныт ась лоӧ "ог". Ны дынӧ мӧдік содтӧм кыввес ылӧтлісьсянь ни».

«Тійӧ кывлітӧ, мый вӧлі висьталӧм: "Син понда син, пинь понда пинь". А Ме висьтала тіянлӧ: тэныт лёк керӧм понда эн вештісь. Веськыт пельбокат сӧтас кӧ, бергӧт шульгатӧ.

Веськыт синыт тэнӧ ылӧтӧ кӧ, кыскы синтӧ да чапкы. Вывтырсит ӧтік тор ӧштан кӧ, тэныт сысянь буржык. Сэк быдсӧн вывтыртӧ озӧ чапкӧ адас. Веськыт киыт тэнӧ ылӧтӧ кӧ керны умӧльсӧ, сійӧ керав да дынсит чапкы. Вывтырсит ӧштан кӧ ӧтік тор, сысянь тэныт буржык. Сэк быдсӧн вывтырнат он шед куслытӧм биӧ.