Versículos bíblicos populares de Saŋ 1

Partilhar

Haman maŋ nim, índukoŋo anlahuremlahur k’anfak anfiyumem. Kanda m’anlahuremne nip, úmár anéereeniŋneer binaal k’anguy imberenku Díino.

Me mo bim n’ídekireh ba balóku M'ayéjuhne Gúloku Díino. M'ayéjuhne Gúloku Díino, úmár ummo bim ingi Díino káriman fam. Faka úmár agune Díino fankánam.

Jiyaaŋo jímár gawúnnohne gumurulo, te gumurulo gúmár gara apireneh gufaŋununku jiyaaŋo.

Angu, M'ayéjuhne Gúloku Díino abosaabos adék aguy uraagof imbi mint. A binaanam ífegmiŋfeg bafuku Báábám b'ayikne ni úmár agune úbárám úmánduko. Mint ñantaalibehinem ífegmiŋfeg maro gabonkerumebonkerum. Gayaafuŋayaafuŋ. Gajellihinejellihin mintor marigeno imbi Díino. Jikoŋo ámáráŋ nip arumunrumun tip a binaanam.

Hoŋon hoŋon ho Díino ayabne, úmár ummo na. Yikireŋ ho Díino ayab ni úmár tohároŋ. Kanjébo mees imbi úmár gafúruntne ki kanjébo kámár atohundutor mintor jiyaaŋo.

Afúrumi na, gucunkunom Yaya aŋanden Yensa n'adékirehne. Ayéj jamaŋo: - Ninkinan! Ningeŋ baŋ leeyaŋo no Díino akucundutne mintor k'apiren akafari jínubonku duniyaŋo inno.

M'ayéjuhne Gúloku Díino aguyguy a duniyaŋo káriman fam, kanda haman maŋ nim jamanku duniyaŋo yitárom. Agida úmár ingi Díino anyabne honjoroŋo nip. Adékridek ba a didiirahánam di Israyel, kanda haani jamankánam faŋo lahudom.

Jiyaaŋo jímár, jímár agune ji marigeno, j'adékirne a duniyaŋo inno ba buyaaŋurindiku jamaŋo nip.

Fégeŋ baŋ, Díino anéneer mint Luwaŋankánam a gubaarhu Musa. Kanda imbi Yensa, Umaasaŋo mu Díino Acaabenne, gafaŋumne n'ajellihin mintor marigeno ingi bankabaŋo b’ayikne a binentor.