Versículos bíblicos populares de Saŋ 10

Partilhar

Kanda, údugo mungu, neeraŋ gakaanahne? Úmár ii, aji apútri, ba hódugo gadékuntne ingi bubuj ingi bukoomun. Kanda me mungu ki jamaŋo anyik kanjéb k’afaŋunum n’asúum gídekuntne.

Ayéjeeniŋ: - Me ingine ukooño m'afaŋumne n’apokun saahaŋankánam. Ukooño m'apokunne saahaŋankánam, neeraŋ gadékehne bukaano? Úmár ii, akarafaháneh ñankindenkinem a gubaarhu saahaŋankánam.

Ayéjeeniŋ: - Úfegeŋ, me saahaŋankum ganyennehindukumyennehind. Me ípájuleeniŋpájul. Gantifhumtif.

Te me gínekeeniŋneer kanjébo ka bandór. Danniirohar. Faka wúur dapiren k’awatumeeniŋ a silakum.

- Me ingine burukumbanku kooreŋo. Moŋon moŋon aŋanumne a kooreŋo a gubaarhu me, Díino apahánkánam. Apiren afúror k'adék atíbila gufoola, k’akir aŋooliner.

Abocin ayéjeeniŋ: - Kanda me ingine ukooño m'apokunne dáde saahaŋankum. Me ípájulaymiŋpájulay ingi Bááho arenn fet. Maŋ nim gakanne imbi saahaŋankum. Maŋ ni ípájuleeniŋne, maŋ nim ámáráŋ mees ampájuleemne arenn. Me ílokiloki bukarafahu ñankindenkum a gubaarhu saahaŋankum.

Ingah! Bááhum Díino m'anéereemne saahaŋaŋo, úmár afaŋunumne n'afuuh nip. Angu gúmár akanne íyejoonuŋ, wúur dapiren k’awat saahaŋaŋo a silaku Bááho m'aŋane bukooñhánin. Úpájuleŋ, me ingi Bááhum ikaanmiŋkaan iniman wúur úmánduk.

Abocin ayéjeeniŋ: - Kanda me ingine ukooño m'apokunne dáde saahaŋankum. Me ípájulaymiŋpájulay ingi Bááho arenn fet. Maŋ nim gakanne imbi saahaŋankum. Maŋ ni ípájuleeniŋne, maŋ nim ámáráŋ mees ampájuleemne arenn. Me ílokiloki bukarafahu ñankindenkum a gubaarhu saahaŋankum.

Ingah! Wúur dapiren budoku háteerhum, fo aji me ílokihi. Kanda ílokiloki bukarafahu ñankindenkum a gubaarhu saahaŋankum. Me ipirenkineh ikarafa ñankindenkum, maŋ nim gipirenkinehne ídek ijah háteerhum. Agida Bááhum nim gayéjeemne ikaan.

Angu Yensa, bafégi maro wuturoŋoŋ funaareŋo, akeekireeniŋ ayéjeeniŋ: - Ninkinan! Janteneŋ baŋ k'íteekinoonuŋ marigeno! Me igune burukumbanku kooreŋo bu saahaŋaŋo aŋŋanunkunehne.

Kanda údoolo mu muyroŋne saahaŋaŋo, úmár ii, aji afégi mudumo, agírhineh k’ahoobálaheeniŋ na. Angu, mudumo afisfisinkineh kooreŋo k’alah saahaŋaŋo adúkoŋo.

Yensa ayéji: - Janteneŋ baŋ k'íteekinoonuŋ marigeno! Ingah! Údugo wola urifa, gasíibay hódugo dadékum a burukumbaano k'aŋan a kooreŋo. Wówo! Údugo ajokálahuneh k'aŋaf alibila sínlodo k'apiren aŋan a kooreŋo ba hódugo. Nim gankaanahne.