Versículos bíblicos populares de Mak 9

Partilhar

Bayéjem nim, Yensa aŋoyindem ayéjem: - Uyéjeemyej íjebinem aji ipirenkineh. Kanda aji ufiyumi Díino, Díino apiren akaan hogurumaareŋ.

Balóbi nim, bááhu wolo aŋoyindem ayéjem: - Me ifiyumfiyum Díino hotir, kanda inini ísiibáásiib k'ubecindeem sembe k'ifaŋunum n'ifiyumem.

K'angu aŋŋoolin ba a dígo k'ankucunaane, úmár ingi ñantaalibehinem. F'angune na a gufaco immereŋ bareŋ, ñantaalibeŋo ammiihem anyéjem: - Inini, horaŋ akanne ki mint pirendimiŋ k’ífunnmiŋ fáguho imbi wolo? Yensa aŋoyindeeniŋ ayéjeeniŋ: - Fasonku fáguho fámár, aji kiinaaro Díino, dafúr.

Múmmeero anafanafa, kanda aji adéki fo bafirhinem ataahála, neeraŋ gukankánehne ki bafirhinem aŋooliner? Yikireŋ ninkan. Woto ninkinan, kuku umajahaŋ guguyo iniman múmmeer mújooni. Lahayreŋ k'uguyoŋ a básuum. Buku urumoŋ!

- Aji ukucuni wol a gubaarhu n'upokuneemne, akankaan ininkaman me gukucunne. Faka aji ukucuni me me, akankaan iniman m'abúuñureemne gunuk ukucunne. Nim Yensa akawandinne ñantaalibehinem.

Janteneŋ baŋ k'íteekinoonuŋ marigeno: Aji wúur anéeroonuŋ baaru, haani kolanduku baaruŋo maro n'uguyeŋne a binaam, wúuro úmár ayikhineh baraaj.

Yensa afak aŋoolin ayéjeeniŋ: - Aji wúur afiyumeem ininkaman wolo ummu, ki úduk adéker aŋanam a gukanku hójondoŋo, h'ajóonerne a binaanam annébindem dawaal a budoobo k'andék anworom a jakaamo.

Aji sígihen aŋanen a hójondoŋo, lukusor sígilo símár udabun. Ingah, akohuneh uŋan a maasayahu Díino ingi sígil ínsenduk ingi uworaa a kuulo ingi ígilo inako.