Versículos bíblicos populares de Juan 7

Partilhar

Sakay u atanan a sumampalataya nikán ay uminom. Dipo kinagi na tu Kasulatan, ‘Gábwat tu puso nu manalig hide nikán ay magtuhog u dinom a makapangatád ti biyag.’”

Nadid, tu dimodyan a aldew a pinakamahalaga a kasayaan nu Judio hide, timmaknág ti Jesus sakay kinagi na ti mabegsák, “U deyaman a mauwaw ay umadene nikán sakay uminom.

U dinom a gustu he a kagiyán ni Jesus ay u Banal a Ispirito, a adene dán a matanggap nu maniwala hide nikuna. Awan palla ingkaluub u Banal a Ispirito ti panahunay a itod, dipo awan palla immangay ti Jesus ti langet.

Diyan kam maghusga a ayun la tu ketan moy, nan adalán moy ti mapiyya bagu kam a maghusga, para matukuyan moy u tama.”

U magtoldu a ayun la tu sadile na a kagustuwan ay u gusto nala ay puriyán siya ni tolay. Pero u magtoldu a inutusan nu Diyos ay u gusto na ay mapure u Diyos. Sakay u págtoldu na ay tama, bakán a kakabuliyan.

Kanya kinagi ni Jesus nide, “U itáttoldu ko ay bakán a gábwat nikán, nan gábwat tu nángpaangay he nikán.

Awan kam kaiyamutan nu tolay hide ti munduway, pero hikán ay kaiyamutan de, dipo inpeta ko nide a madukás u gimet de.