Versículos bíblicos populares de تكوين 9

Partilhar

وَ الرَّبّ قَالْ: «دِي هِي الْعَلَامَةْ هَنَا الْمُعَاهَدَةْ النُّخُطَّهَا بَيْنِي وَ بَيْنكُو وَ بَيْن كُلَّ الْمَخْلُوقِينْ الْمَعَاكُو. وَ الْمُعَاهَدَةْ دِي تَبْقَى دَايْمَةْ مِنْ ذُرِّيَّةْ لِذُرِّيَّةْ. أَنَا نُخُطّ نُبَّالِي وَ هُو حَجَّازْ الْمَطَرْ فِي السَّحَابْ وَ دَا يَبْقَى عَلَامَةْ هَنَا الْمُعَاهَدَةْ بَيْنِي وَ بَيْن الْأَرْض.

وَكِتْ حَجَّازْ الْمَطَرْ يِبِينْ فِي السَّحَابْ، أَنَا نِشِيفَهْ وَ نِفَكِّرْ فِي الْمُعَاهَدَةْ الدَّايْمَةْ الْقَاعِدَةْ بَيْنِي أَنَا الرَّبّ وَ بَيْن كُلَّ النَّاسْ وَ كُلَّ مَخْلُوقْ حَيّ فِي الْأَرْض.»

وَ النَّادُمْ الدَّفَّقْ دَمّ هَنَا نَادُمْ، هُو كُلَ، نَادُمْ آخَرْ يِدَفِّقْ دَمَّهْ. أَشَانْ اللّٰهْ خَلَقْ الْإِنْسَانْ فِي صُورْتَهْ.

وَ الرَّبّ بَارَكْ نُوحْ وَ أَوْلَادَهْ وَ قَالْ لَيْهُمْ: «أَلْدَوْا وَ أَبْقَوْا كَتِيرِينْ وَ أَمْلَوْا الْأَرْض.

مِثِلْ أَوَّلْ أَنْطَيْتكُو الْخَضَارْ لِلْأَكِلْ، هَسَّعْ نَنْطِيكُو كُلَّ الْمَخْلُوقِينْ الْحَيِّينْ.

وَ كُلَّ الْمَخْلُوقِينْ الْحَيِّينْ فِي الْأَرْض يَخَافَوْا مِنْكُو وَ الرُّعُبْ يَكْرُبْهُمْ، مِثِلْ طُيُورْ السَّمَاءْ وَ زَوَاحِفْ الْأَرْض وَ حُوتْ الْبَحَرْ، كُلُّهُمْ كَيْ نَنْطِيهُمْ لَيْكُو فِي إِيدَيْكُو.

وَ كَنْ لَيْكُو إِنْتُو، أَلْدَوْا وَ أَبْقَوْا كَتِيرِينْ وَ زِيدُوا فِي الْأَرْض.»