Versículos bíblicos populares de لُوقا 10

Partilhar

أَنَا أَنْطَيْتكُو قُدْرَةْ أَشَانْ تِفَجُّقُوا الدَّبِيبْ وَ الْعَقَارِبْ. وَ أَنْطَيْتكُو قُدْرَةْ لَحَدِّي تِنَّصُرُوا فِي كُلَّ قُدْرَةْ إِبْلِيسْ الْعَدُو. مَا فِي شَيّءْ الْيِتَعِّبْكُو.

لَاكِنْ الرَّبّ عِيسَى رَدَّ لَيْهَا وَ قَالْ: «مَرْثَةْ، يَا مَرْثَةْ. إِنْتِ دِي، قَلِبْكِ مُعَلَّقْ وَ إِنْتِ تِهِمِّي لِشَغَلَةْ كَتِيرَةْ. شَيّءْ وَاحِدْ بَسْ وَاجِبْ وَ مَرْيَمْ عَزَلَتْ الشَّيّءْ الْعَدِيلْ. وَ مَا يِنْرَفِعْ مِنْهَا.»

وَ الْعَالِمْ رَدَّ لَيَّهْ وَ قَالْ: «الْكِتَابْ يُقُولْ: <وَاجِبْ تِحِبّ اللّٰهْ رَبَّكْ بِكُلَّ قَلْبَكْ وَ بِكُلَّ نَفْسَكْ وَ بِكُلَّ قُدُرْتَكْ وَ بِكُلَّ فِكْرَكْ> وَ بَتَّانْ: <حِبّ أَخُوكْ مِثِلْ تِحِبّ نَفْسَكْ.>»

وَ قَالْ لَيْهُمْ: «النَّاسْ مِثِلْ زَرَعْ كَبِيرْ وَ غَلِّتَهْ نِجْضَتْ خَلَاصْ وَ لَاكِنْ الْيَخْدُمُوا فَوْقَهْ شِيَّةْ. أَشَانْ دَا، أَسْأَلَوْا سِيدْ الزَّرَعْ أَشَانْ يِرَسِّلْ خَدَّامِينَهْ يِلِمُّوا غَلِّتَهْ.

وَ عِيسَى سَأَلْ الْعَالِمْ وَ قَالْ: «مِنْ النَّاسْ التَّلَاتَةْ دَوْل، يَاتُو السَّوَّى نَفْسَهْ أَخُو لِلنَّادُمْ الْهَجَمَوْه رَبَّاطِينْ الدُّرُوبْ؟» وَ الْعَالِمْ رَدَّ لَيَّهْ وَ قَالْ: «النَّادُمْ السَّوَّى لَيَّهْ الرَّحْمَةْ.» وَ خَلَاصْ عِيسَى قَالْ لَيَّهْ: «قُمّ سَوِّي نَفْس الشَّيّءْ مِثْلَهْ.»

وَ خَلَاصْ أَمْشُوا. نِرَسِّلْكُو فِي أُسُطْهُمْ وَ تَبْقَوْا مِثِلْ سُخْلَانْ فِي أُسْط الْمَرَافْعِينْ.