Versículos bíblicos populares de Génesis 1

Partilhar

Tsëpitanam nirqan: <<Kananqa nunata kamashun kikintsik niraqta. Noqantsiknö kananpaqmi pëta kamashun. Pëpa munëninchömi kayanqa pescädukuna, päriqkuna, wätana kaq y mana wätana kaq animalkuna y lätëpa puriqkunapis>>. Kikin niraqtam Teyta Dios nunata kamarqan. Pënö kananpaqmi kamarqan. Ollqutapis warmitapis pëmi kamarqan.

Tsëpitanam bendisïkur nirqan: <<Mirayë kë patsa juntanqanyaq. Munënikichö kayätsun pescädukuna, päripa puriqkuna y llapanpis kë patsachö kawaqkuna>>.

Imapis manaraq kaptinmi Teyta Dios kamarqan ciëluta y kë patsata.

Kë patsaqa manam kanan këkanqannötsu karqan, sinöqa paqasyarëkaq yakullam karqan. Tsë yaku jananchömi Teyta Diospa Espïritun kuyukïkarqan.

Tsëmi Teyta Dios nirqan: <<¡Atsikyaq katsun!>> Niptinnam atsikyarqan.

Llapan kamanqankuna alläpa alli kanqantam rikarqan. Tsëkunatam Teyta Dios kamarqan joqta kaq junaqchö.

Atsikyaqta kamarirmi Teyta Dios rikarqan alli kanqanta. Tsëmi patsakätsirqan tutapëpis y atsikyëpis kananpaq.

Tsëpitanam nirqan: <<Mikuyänëkipaqmi kamarqü kë patsachö llapan mikuna kaq qorakunatawan wayuq kaq montikunatapis.

Atsikyëpa shutinmi churarqan junaqta y mana atsikyëpatanam tutapëta. Tsëkunatam kamarqan punta kaq junaqchö.

Tsëpitanam Teyta Dios nirqan: <<Yaku ishkëman rakikänanpaq yaku chöpinchö azulyarëkaq katsun>>.

Animalkuna, päriqkuna y lätëpa puriqkuna mikuyänanpaqmi montikunatawan qewakunata kamarqü>>. Ninqannöllam llapanpis karqan.

Tsëpitanam Teyta Dios nirqan: <<Ciëluchö atsikyaqkuna kayätsun junaqpis y paqaspis kayänanpaq, junaqkunata, watakunata yupayänanpaq y muruyänanpaq cosechayänanpaq imë kanqantapis musyayänanpaq.

Tsëpitanam nirqan: <<Patsapita jeqamutsun tukïläya qorakuna: muruyuq qorakuna y tukïläya wayuq montikunapis>>. Ninqannöllam llapanpis karqan.

Ninqannöllam azulyarëkaqta kamarqan. Tsënöpam wakin kaq yaku quedarqan kë patsachö y wakin kaqnam azulyarëkaqpa jananchö. Ninqannöllam llapanpis karqan.

Tsëmi jeqamurqan tukïläya qewakuna y tukïläya wayuq montikunapis. Tsëkunata kamarirmi Teyta Dios rikarqan alli kanqanta.

Tsënöllam kamarqan intita, killata y qoyllurkunatapis. Intitam kamarqan junaqpa aktsinanpaq y killatanam kamarqan paqaspa aktsinanpaq.

Tsëpitanam Teyta Dios nirqan: <<Tsaki patsa rikakänanpaq ura kaq yaku juk lädullaman ëllukäyätsun>>. Ninqannöllam llapanpis patsakarqan. Tsaki kaqpa shutinmi Teyta Dios churarqan patsa nir. Y ëllukashqa yakutanam lamar nirqan. Tsëta kamarirmi Teyta Dios rikarqan alli kanqanta.

Tsëpitanam bendisïkurqan: <<Lamarchö kawaqkuna y patsa jananpa päriqkunapis, atskaman mirayë>> nir.

Tsëpitanam Teyta Dios nirqan: <<Tukïläya wätana kaq y mana wätana kaq animalkunapis kayätsun. Tsënö katsun lätëpa puriqkunapis>>. Ninqannöllam llapanpis karqan.

Tsëpitanam Teyta Dios nirqan: <<Yakuchö pescädukunapis y patsa jananpa päriqkunapis atska kayätsun>>.

Tsënöpam Teyta Dios kamarqan tukïläya wätana kaq y mana wätana kaq animalkunata y lätëpa puriqkunatapis. Tsëkunata kamarirmi Teyta Dios rikarqan alli kanqanta.