Versículos bíblicos populares de Kutangisa 9

Partilhar

Ndizo Ndzimu ukabe uti, “Tjilakidzo tje tjidumano tjandinothama pakati kwangu namwi ne tjimwe ne tjimwe tjinotjila tjinamwi, tjidumano tje zwizekugwana zose, etji, ndabiga nlalabungu wangu mu makole, ngono unowobe tjilakidzo tje tjidumano pakati kwangu ne shango.

Nlalabungu mu makole, ndowoulinga akumbula tjidumano tjisingapele pakati kwe Ndzimu ne zwibumbiwa zose zwinotjila zwe ludzi gumwe ne gumwe mu shango.”

Kene ali ani unotebula lopa le nthu, na iyebo lopa lile lowotebugwa nge nthu, ngoti Ndzimu wakathama nthu mu ifano tjawo.

Ndzimu ukakombolela Nuwa ne bakololo babe ukati, “Ibeni ne mbeleko muwande muzhale shango.

Tjimwe ne tjimwe tjinotjila tjiyendayenda tjowobe zojiwa zwenyu. Sekwa ndakamupa milibo minyolo, ngwenu ndomupa tjimwe ne tjimwe.

Phuka dzose dze shango ne nyuni dzose dza pezhugwi na zose zwinokambayila ne hwobe dze gungwa zose zowomutja zwikamutizha. Zose ndazwilonga mu maboko enyu.

Imwi, ibeni ne mbeleko mupaphidzike muwande mu shango.”