Versículos bíblicos populares de Madiu 7

Partilhar

Wada sidasida, be Yaubada 'ida 'ebwa'emi. Wate wada 'ebesa be 'enega wada loba. Ta wada 'aukeke be 'enega 'ali 'ida gigege.

Ona'ai'aila 'eguma tasisida, Yaubada 'i'ebwaya 'edaya, be 'eguma ta'ebesa ma'etamo taloloba, ta wate 'eguma ta'aukeke 'enega 'ali 'ida gigege manuda.

'Igu ona getedi 'abo yaita 'inonodi be 'iematamatanedi tauna 'atuwa 'ebweu to'abi anuwa sinasinapuna, 'ina 'autui gulewa 'ena 'i'abina

Ta 'abo to'ase nuwanuwami be tomota 'emiya siguinuwei 'omi wate nadigega 'ediya wada guinuwa'esa, manuna getei Mosese be palopitao 'idi loina 'ana bwagila.

Ta yawasi bobo'ana 'ana 'eda 'ana tauya mwauna ta 'ana 'awa gidalina tuga, 'enega tomota pu'epu'edimo silugu.

'Awa gidalina 'enega walulugu ta geya'abo 'awa sinabwana 'enega, nate 'ebe esilae 'ana 'eda. 'Eda nina sinabwana ga 'ana tauya kapekapeyana, ta 'enega tomota yaudi 'ena sitautauya.

Ona'ai'aila 'omi toto'umalimi, ta 'imi 'ebwaya natumiyao 'ediya ni'atu wamwalamwalatoni, 'aene yage bobo'adimo wa'ebwa'ebwa'edi. Nadigega wate Tamami galewaya, 'abo wasisida 'enaya, 'imwalatonina to'ase bobo'ana 'ilobwenemi be 'ida 'ebwa'emi.

Geya'abo tomota wa'awa'awa to'umaliyedi 'abona nai Yaubada wate 'i'awa to'umaliyemi. Manuna to yage 'ediyega tomota wa'awa to'umaliyedi 'iabe 'ediyega Yaubada 'i'awa to'umaliyemi, ta wate mwa'adega wabubuna'esa tomota 'ediya Yaubada nadigega 'ida bubuna 'emiya.

Ta 'abo yaita 'igu ona getedi 'inonodiya ta geya'abo 'iematamatanedi, tauna 'atuwa to'abi anuwa uwauwana 'ina anuwa kaukau 'ena 'i'abina

Ta nigeya 'ilobwelobweneyo be tasiyo manuna 'uona 'aene matanaya kaiwe senasenamina 'imiyami, manuna 'oyo wate matamuya kegabugabu 'imiyami, ta nigeya 'u'ita'ita. 'Enega geya'abo tasiyo 'ueonai 'aene kaiwe senasenamina matanega 'uda 'ewayaule, manuna 'oyo wate matamuya kegabugabu 'imiyami.

Tosimana kabokabodi 'ediyega wa'ita'i'isimi. Manuna 'aidi ma'etamo 'emiya simamai, 'adi 'ita 'atuwa sipi panapanaisidi, ta soladiya esiya 'atuwa kedewa bosasa. Ta 'idi guinuwao 'ediyega ma'etamo wamwalatonidi, manuna kwakwakwala nigeya sawesawenaya be uwana 'iesibweya. Buyubuyuwa wate nadigega nigeya sawesawenaya be uwana 'iedamaya.

Manuna kaiwe bobo'adi uwadi bobo'ana, ta kaiwe to'umalidi uwadi wate to'umalidi.

Ona'ai'aila, kaiwe bobo'adi nigeya sawesawediya be uwadi to'umalina siuwaedi. Kaiwe to'umalidi wate nadigega nigeya sawesawediya be uwadi bobo'ana siuwaedi.

'Enega 'abo kaiwe nigeya sida uwa bobo'ana tatala yauledi be tagabudi.