Versículos bíblicos populares de SAN JUAN 12

Partilhar

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

Oaɨu jekove vae, okañɨteita ko. Ërei mbaetɨ oaɨu jekove kuae ɨvɨ pe vae, oñovatu ko tekove opambae vae peguarä.

Añetete che jae peve, metei trigo jäɨgüe mbaetɨ oñeotɨ yave, opɨta jökoraiño. Ërei oñeotɨ yave, jeta oñemoña.

Ayu ɨvɨ pe amee vaerä tembipe ɨvɨ pegua reta pe, agüɨye vaerä cheré güɨrovia vae oiko pɨtumimbi pe.

Cheñee re oyeapɨsaka vae mbaetɨ oyapo yave, che ngaraa ajäa. Echa mbaetɨ ayu ajäa vaerä ɨvɨ pegua reta, ayu ko amboasa vaerä.

Jayave María güeru medio kilo mbae ikäti kavi vae nardo jee vae jepɨ yae vae jare opɨyere Jesús ipɨ re. Jare omotini ia pe. Jare opaete o tɨnɨe ikäti kavi.

Oipɨɨ reta karandaɨ joo yogüɨraja oövaiti vaerä Jesús, jare osapúkai reve jei reta: —¡Hosanna! Toyemboeteuka yandeYa jee re ou vae, Israel Juvicha guasu.

Jayave Jesús jei: —Ara oväe ma che ayeapo Kuimbaerä vae ayemoeteuka vaerä.