Zenɛze 3
3
Nui loo vai kotoi zu
1Kaalii ɠeleɠelega ɠɛni de, é leʋe dɔɓɔ zuaiti kpein ba, niiti Ɠɔoɠɔ GALAGI ti ɓɛtɛni. É ɠɛni anzanui ma: «GALA ge bogɛ nɛi ga ɠite, ga wo mina guluiti kpein ma waai mi, niiti ti kpelei zu?»
2Anzanui kaalii wooɠaaʋoteni, é ɠɛ ma: «Gá zoo gi kpelei zu wuluiti ma waai ta mi. 3Kɛlɛ nii é ga gului é loni kpelei zaamaʋɛ, naa ma waai, GALA ge ɠɛni ma: ‹À mina ta mi, wo mina vɔɔɠu ba, naa ɠa a kɛ wo mina za.› »
4Kaalii ɠɛni anzanui ma: «Wo la zaa ɲɛgɛlɛin! 5Kɛlɛ GALA ge kwɛɛ ga foloi nɔpɛ wo ta miizu la, wo-ɠaazuʋɛti ta zeɠe ma, wa ɠɛ eɠɛ GALA, wa faa ʋagɔi ta faa ɲɔi yɔɠɔzuɠwɛɛ.»
6Anzanui kaani ga gului naa ma waaiti pɛtɛ ga maanɛɛʋɛ, ta pagɛ ga nu mi, fizɔgɛ ga é keleɠelegi ve nu ya. É ma waai ta ɠulani, é mi. Naa ʋolu é ta veeni sinigi ya, nii é ɠɛni koba, naa ɓalaa ge miini. 7Ti felegɔ ti-ɠaazuʋɛti ti zeɠeni ma. Ti kwɛɛni ga ti ɠabei ʋe. Ti kooleɠoole gului ma laaiti daɠani, ti gili ɓɔɠɔ ma.
8Kpɔkɔ lɛilɛigi, ti Ɠɔoɠɔ GALAGI lugi mɛnini, é ɗa ziɛziɛ kpelei zu. Zunui ta anzai ti lɔɔɠuni poun Ɠɔoɠɔ GALAGI ʋa kpele zu wuluiti saama. 9Ɠɔoɠɔ GALAGI zunui lolini, é ɠɛ ma: «Mini ɠa è ná?»
10É gooɠaaʋoteni, é ɠɛ ma: «Gè è-lugi mɛnigɛ kpelei zu. Dùaʋɛ, mazɔlɔɔ kàbei ʋe, naa ɠa é kɛa gè lɔɔɠua.» 11Ɠɔoɠɔ GALAGI ɠɛni ma: «Ɓɛ ɠa kɛai è ma, è ɠabei ʋe? È gulu waai naa ta mia ɓaa, nii gè ɠɛni è ma, mina ta mi?»
12Zunui gooɠaaʋoteni, é ɠɛ ma: «Anzanui nii è fea zèa, ga gi eteai ziɛ ʋɔɔma, naa ɠa é gulu waai vea zèa, gè ta mi.»
13Ɠɔoɠɔ GALAGI ɠɛni anzanui ma: «Leeni vaa zu è naa ɠɛai?» É gooɠaaʋoteni, é ɠɛ ma: «Kaalii ɠa é yàava, gè gulu waai ta mi.»
14Ɠɔoɠɔ GALAGI ɠɛni kaalii ma:
«Tɛi è naa ɠɛa, gè è ɠotoa,
toganiiti kpein ta dɔɓɔ zuaiti saama.
Ɗa ɗa ɓokpo è-ɠogi ma,
è ɗa pɔlɔi mi, è-zii ma voloi pɛ su.
15Nà kpaai lɔ wo yɔɠɔzu wa anzanui,
naa ɠa ɠɛ mavofodai ta ɗɔnɔiti zɔɠɔzu.
Nɔnɔi ɠa ɗɔungi maawana,
ɗɔun ɗa kɔɠɔ libiligi maawana.»
16É ɠɛni anzanui ma:
«Nà ta la ɗa-ɓɔlɔi ma, kogi a ɠɛna è ma,
ɗa ɓɔlɔ pɛ, ɗa ʋa dointi sɔlɔɔ.
È yiima vai ɠa è mɛɛn è-zinigi ʋɔ pelei,
toɠa zei è unda.»
17É ɠɛni zunui ma:
«Tɛi è woiloga è-anzai wooi ma,
è gulu waai mi, nii gè ɠɛni è mina mi,
zooi ɠa ɠoto è maaʋele ma.
Kɛni è zuvikɛi ɠula, è ɓɔlɔ pɛ,
é ʋa leɠa è-laamianigi zɔlɔɔ, è-zii ma voloi pɛ su.
18Toɠa ɠaingiti pɔnɔ è laalɔɠɔma.
Ɗa ɠɛ zooi ɠa lufaiti miizu.
19Ɗa è-laamianigi zɔlɔɔ,
kɛlɛ kɛni fɔdɔi ɠula è-loʋalaʋɛ,
eyɛsu è ɠale ma zooi wu,
ʋɛ è zeɠeai ná.
Mazɔlɔɔ è ɓɛtɛʋɛ ga pɔlɔi,
ɗa ɠale ma pɔlɔi zu.»
20Adama anzai laasei pɛɛni ga Ɛve,#3:20 Ɛve: Daaseigi nii ti maaɓuɠaai ʋa ta «nii é vulua». mazɔlɔɔ tɔ ɠa é ɠɛni ga nu vuluiti kpein ti-lee. 21Ɠɔoɠɔ GALAGI sua ɠɔlɔi ɓɛtɛni ga seɠei Adama ta anzai ʋɛ, é too ti ɠɔba.
22Ɠɔoɠɔ GALAGI ɠɛni ma: «Pɛtɛ, zunui ɠɛa eɠɛ ade taɠila, faa ʋagɔi ta faa ɲɔi yɔɠɔzuɠwɛɛ fai zu. Ade pele leʋe tuɠɔ niina, é mina yeemaale, é ʋa zɛnvu wului ma waai ɠula, a ʋa mi, a ʋa yɛ vulua ɠɔoɠɔ.» 23Ɠɔoɠɔ GALAGI zunui ɠulani Edɛn kpelei ʋa, ga é ɗa zooi woli, ʋɛ kulaai ná. 24É zunui ɓɛai ma, geezuɠeelaiti ti-laaseigi ga seeluɓɛin, é naati toni Edɛn kpelei zu folo ɠulazu ʋelei, ta boɠa zɔkpɔi nii abui ba, é ɗa lati, ti ɗa zɛnvu wului ma ʋelei makɛ.
Atualmente selecionado:
Zenɛze 3: GDZ
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.
Zenɛze 3
3
Nui loo vai kotoi zu
1Kaalii ɠeleɠelega ɠɛni de, é leʋe dɔɓɔ zuaiti kpein ba, niiti Ɠɔoɠɔ GALAGI ti ɓɛtɛni. É ɠɛni anzanui ma: «GALA ge bogɛ nɛi ga ɠite, ga wo mina guluiti kpein ma waai mi, niiti ti kpelei zu?»
2Anzanui kaalii wooɠaaʋoteni, é ɠɛ ma: «Gá zoo gi kpelei zu wuluiti ma waai ta mi. 3Kɛlɛ nii é ga gului é loni kpelei zaamaʋɛ, naa ma waai, GALA ge ɠɛni ma: ‹À mina ta mi, wo mina vɔɔɠu ba, naa ɠa a kɛ wo mina za.› »
4Kaalii ɠɛni anzanui ma: «Wo la zaa ɲɛgɛlɛin! 5Kɛlɛ GALA ge kwɛɛ ga foloi nɔpɛ wo ta miizu la, wo-ɠaazuʋɛti ta zeɠe ma, wa ɠɛ eɠɛ GALA, wa faa ʋagɔi ta faa ɲɔi yɔɠɔzuɠwɛɛ.»
6Anzanui kaani ga gului naa ma waaiti pɛtɛ ga maanɛɛʋɛ, ta pagɛ ga nu mi, fizɔgɛ ga é keleɠelegi ve nu ya. É ma waai ta ɠulani, é mi. Naa ʋolu é ta veeni sinigi ya, nii é ɠɛni koba, naa ɓalaa ge miini. 7Ti felegɔ ti-ɠaazuʋɛti ti zeɠeni ma. Ti kwɛɛni ga ti ɠabei ʋe. Ti kooleɠoole gului ma laaiti daɠani, ti gili ɓɔɠɔ ma.
8Kpɔkɔ lɛilɛigi, ti Ɠɔoɠɔ GALAGI lugi mɛnini, é ɗa ziɛziɛ kpelei zu. Zunui ta anzai ti lɔɔɠuni poun Ɠɔoɠɔ GALAGI ʋa kpele zu wuluiti saama. 9Ɠɔoɠɔ GALAGI zunui lolini, é ɠɛ ma: «Mini ɠa è ná?»
10É gooɠaaʋoteni, é ɠɛ ma: «Gè è-lugi mɛnigɛ kpelei zu. Dùaʋɛ, mazɔlɔɔ kàbei ʋe, naa ɠa é kɛa gè lɔɔɠua.» 11Ɠɔoɠɔ GALAGI ɠɛni ma: «Ɓɛ ɠa kɛai è ma, è ɠabei ʋe? È gulu waai naa ta mia ɓaa, nii gè ɠɛni è ma, mina ta mi?»
12Zunui gooɠaaʋoteni, é ɠɛ ma: «Anzanui nii è fea zèa, ga gi eteai ziɛ ʋɔɔma, naa ɠa é gulu waai vea zèa, gè ta mi.»
13Ɠɔoɠɔ GALAGI ɠɛni anzanui ma: «Leeni vaa zu è naa ɠɛai?» É gooɠaaʋoteni, é ɠɛ ma: «Kaalii ɠa é yàava, gè gulu waai ta mi.»
14Ɠɔoɠɔ GALAGI ɠɛni kaalii ma:
«Tɛi è naa ɠɛa, gè è ɠotoa,
toganiiti kpein ta dɔɓɔ zuaiti saama.
Ɗa ɗa ɓokpo è-ɠogi ma,
è ɗa pɔlɔi mi, è-zii ma voloi pɛ su.
15Nà kpaai lɔ wo yɔɠɔzu wa anzanui,
naa ɠa ɠɛ mavofodai ta ɗɔnɔiti zɔɠɔzu.
Nɔnɔi ɠa ɗɔungi maawana,
ɗɔun ɗa kɔɠɔ libiligi maawana.»
16É ɠɛni anzanui ma:
«Nà ta la ɗa-ɓɔlɔi ma, kogi a ɠɛna è ma,
ɗa ɓɔlɔ pɛ, ɗa ʋa dointi sɔlɔɔ.
È yiima vai ɠa è mɛɛn è-zinigi ʋɔ pelei,
toɠa zei è unda.»
17É ɠɛni zunui ma:
«Tɛi è woiloga è-anzai wooi ma,
è gulu waai mi, nii gè ɠɛni è mina mi,
zooi ɠa ɠoto è maaʋele ma.
Kɛni è zuvikɛi ɠula, è ɓɔlɔ pɛ,
é ʋa leɠa è-laamianigi zɔlɔɔ, è-zii ma voloi pɛ su.
18Toɠa ɠaingiti pɔnɔ è laalɔɠɔma.
Ɗa ɠɛ zooi ɠa lufaiti miizu.
19Ɗa è-laamianigi zɔlɔɔ,
kɛlɛ kɛni fɔdɔi ɠula è-loʋalaʋɛ,
eyɛsu è ɠale ma zooi wu,
ʋɛ è zeɠeai ná.
Mazɔlɔɔ è ɓɛtɛʋɛ ga pɔlɔi,
ɗa ɠale ma pɔlɔi zu.»
20Adama anzai laasei pɛɛni ga Ɛve,#3:20 Ɛve: Daaseigi nii ti maaɓuɠaai ʋa ta «nii é vulua». mazɔlɔɔ tɔ ɠa é ɠɛni ga nu vuluiti kpein ti-lee. 21Ɠɔoɠɔ GALAGI sua ɠɔlɔi ɓɛtɛni ga seɠei Adama ta anzai ʋɛ, é too ti ɠɔba.
22Ɠɔoɠɔ GALAGI ɠɛni ma: «Pɛtɛ, zunui ɠɛa eɠɛ ade taɠila, faa ʋagɔi ta faa ɲɔi yɔɠɔzuɠwɛɛ fai zu. Ade pele leʋe tuɠɔ niina, é mina yeemaale, é ʋa zɛnvu wului ma waai ɠula, a ʋa mi, a ʋa yɛ vulua ɠɔoɠɔ.» 23Ɠɔoɠɔ GALAGI zunui ɠulani Edɛn kpelei ʋa, ga é ɗa zooi woli, ʋɛ kulaai ná. 24É zunui ɓɛai ma, geezuɠeelaiti ti-laaseigi ga seeluɓɛin, é naati toni Edɛn kpelei zu folo ɠulazu ʋelei, ta boɠa zɔkpɔi nii abui ba, é ɗa lati, ti ɗa zɛnvu wului ma ʋelei makɛ.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.