ཡོ༌ཧཱ༌ནན༌ ཡོ༌ཧཱ༌ནན༌ནི༌ སྤེ༌ཆའེ༌ སྐོར༌།
ཡོ༌ཧཱ༌ནན༌ནི༌ སྤེ༌ཆའེ༌ སྐོར༌།
གཙོ༌བོ༌ ཡེ༌ཤུའི༌ སྐུ༌ཚབས༌ ཡོ༌ཧཱ༌ནན༌ནི༌ འི༌ སྤེ༌ཆའེ༌ ནང༌ང༌ མིང༌ བྲིའ༌ མ༌ཛད༌ད༌, ཁོང༌རང༌ང༌ “ཡེ༌ཤུའི༌ ཅེས༌པ༌ ཛད༌ཁན༌ནི༌ ལོབ༌ཕྲུགས༌པོ༌” མོལ༌ཏེ༌ དུག༌། འི༌ སྤེ༌ཆའེ༌ བྲི༌ཚུལ༌ དང༌ སྔུན༌མའེ༌ ཆོས༌ཚོགས༌སི༌ འུ༌སྐྱོང༌གུན༌ གྱུད༌ཏེ༌ འི༌བོ༌ སྐུ༌ཚབས༌ ཡོ༌ཧཱ༌ནན༌ནི༌ བྲིའ༌ཛད༌ཏེ༌ ཨིན༌ཁན༌བོ༌ ང༌དང༌ང༌ ཧ༌གོའ༌ནོག༌།
ཡོ༌ཧཱ༌ནན༌ནི༌ འི༌ སྤེ༌ཆ༌བོ༌ ཡེ༌ཤུ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌ ལོ༌ 50 ཉེ༌ཁོར༌ལ༌ བྲིའ༌ ཛད༌ཏེ༌ ཨིན༌ནོག༌།
ཡེ༌ཤུ༌ དཀོན༌མཆོག༌གི༌ ལྡམ༌མ༌ ཛད༌ཁན༌ནི༌ མ༌ཤི༌ཀ༌ དང༌ ཁོང༌ དཀོན༌མཆོག༌གི༌ སྲས༌ ཨིན༌ཁན༌བོའེ༌ཀ༌ ང༌དང༌ངི༌ ཏད༌པ༌ ཁྱོང༌ཅེས༌ ཡང༌ ཏེ༌ ཏད༌པ༌བོ༌ གྱུད༌ཏེ༌ ཐའ༌མེད༌པའེ༌ མི༌ཚེ༌ ཐོབ༌ཅེས༌སི༌ གྱུན༌ཚན༌བོའེ༌ ཕིའ༌ ཡོ༌ཧཱ༌ནན༌ནི༌ འི༌ སྤེ༌ཆ༌བོ༌ བྲིའ༌ ཛད༌ཏེ༌ ཨིན༌ནོག༌།
ཡོ༌ཧཱ༌ནན༌ནི༌ ཡེ༌ཤུའི༌ ལྟས༌ སོ༌སོ༌ རྡུན༌ དང༌ ལབ༌ཞའ༌ རྡུན༌ གུན༌ནི༌ སྐོར༌ལ༌ བྲི༌ཅེས༌ ཐག༌ཅད༌ད༌ ཛདས༌། འི༌ ལབ༌ཞ༌ དང༌ ལྟས༌ གུན༌ བྲེལ༌ཏེ༌ ཨིན༌ནོག༌ ཅིའ༌ཟེར༌ན༌ ལབ༌ཞ༌ ཁ༌ཅིག༌ ལྟས༌ སྟན༌ཅེས༌པོའེ༌ ཇུངས༌ཏེ༌ ཨིན༌ནོག༌ ཡང༌ པར༌རི༌ག༌ ལབ༌ཞ༌ ཧ༌གོ༌ཅེས༌ལ༌ ལྟས༌ སྟན༌ན༌ ཛད༌ཏེ༌ ཨིན༌ནོག༌། འི༌ ལབ༌ཞ༌ དང༌ ལྟས༌ གུན༌ནི༌, ཡེ༌ཤུ༌ ཙོགས༌ སུའང༌ མན༌ཁན༌, ཁོང༌ངི༌ ཛད༌ཁན༌གུན༌ སུའང༌ ཅོ༌མི༌ཉན༌ཅེས༌ ཡང༌ ཁོང༌ ནི༌ འི༌ ཇིག༌རྟེན༌ནི༌ སྐྱབ༌གོན༌ ཨིན༌ཁན༌བོ༌ སྟན༌ན༌ནོག༌།
ལུས༌ཁན༌ནི༌ སྤེ༌ཆའ༌བོའེ༌ ནང༌ང༌ ཡོ༌ཧཱ༌ནན༌ནི༌ ཡེ༌ཤུའི༌ ཁོང༌ངི༌ཀ༌ ཏད༌པ༌ ཅོ༌ཁན༌གུན༌ལ༌ ཅིག༌ དང༌ ཅིག༌ག༌ ཅམས༌པ༌ ཅོ༌ཅེས༌སི༌ སྐོར༌ལ༌ ལབ༌ཞ༌ སལ༌ཅེས༌ མ༌ཚད༌, ཡེ༌ཤུ༌ ཁོང༌ངི༌ ཡབ༌བི༌ཀ༌ ནམ༌ཁའ༌ ལོགས༌ཏེ༌ སྐྱོད༌ནའང༌ ཁོང༌ ཁོང༌ངི༌ ལོབ༌ཕྲུགས༌གུན༌ ཉམ༌པོ༌ ཏམ༌པའེ༌ ཐུག༌ཉིད༌ གྱུད༌ཏེ༌ ཞུགས༌ཤེས༌པོའེ༌ཀ༌ ཤེད༌ སལ༌ཏེ༌ ཨིན༌ནོག༌།
Atualmente selecionado:
ཡོ༌ཧཱ༌ནན༌ ཡོ༌ཧཱ༌ནན༌ནི༌ སྤེ༌ཆའེ༌ སྐོར༌།: lbj
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© Wycliffe Bible Translators, Inc. All rights reserved.