Sam 3
3
Devitda Apsalom teke datakukut.
1Buyambam tapa, natane iwana kwaapzang singgak.
Ngan. Aminu kwaapzangga na tasiwa maiwitde tasikaing.
2Tasike waaminda nae anzing nanikaing,
“Asikaya Anututa ga gatangamik,” ngang yakaing.
3Siwan ngana, Anutu, ga tiunggu amakgane dakata binga dakngake na takusopunggayak.
Gata na takusopuke tasiwi natane umana buyambam siwawan nata akekekake yuat.
4Siwan Anututa na gatangamikge ayatawanggat.
Ita enane siknga tawanu inane dakane yuke nata wamu yanggau atnatangamunggak. Natangamuke na take gatangamunggak.
5Siwan zikaane na dapuna peke apepbotanggat.
Pesika gatuna enake na take yuat. Dasingge, Anututa na kakuya katak siknga nanduyuak.
6Natane iwana 10,000-nu kepna kepna nanata umutnawakaing.
Umutnawawa ngana nata ie dua gwaukgat.
7Buyambam tapana, ga natane Anutuna.
Gata apuke na gatangamuyo.
Gatangamuke natane iwana atzipso.
Ngan, itane gena zipmanziya.
8Buyambam tapata ninu sandeke papan meya takngatu dua kanim.
Buyambam tapa, ninu gikane amindabamde kakuya take pasiwi takekan yutnim.
Atualmente selecionado:
Sam 3: wncB
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2001, Wycliffe Bible Translators, Inc. All rights reserved.