Tomo Ya Batomomu 1
1
1Nda lokasa loami loa oso, Teofilo, yataka njasɔ bitoti eyakolaka Yesu la ndokelaka la ndoekekesa, 2konda lise eliailomoko lande nda use, ani ko la Bolimo Botanu asosila ndotela batomomu ebaaka Inde, bikela yokelomo lau. 3Mbisa ya tokange twa liwa liande, Inde lotambaka bindo yande la liwawi ko la ndembe wike, Inde lɔɛnɛkɛlɛ end’iyo ko bacho kama inɛi ani aonganaka lau njasɔ ya Bɔkɔta wa Mungu.
Liinwi lia Yesu nda Use
4Ayalaka Yesu lau, Inde lotel’iyo ndola mbo batasokweke nda Yelusaleme, kongo ko baumbakeleke lisakä eliatikaka Sango otikel’iyo mbo— 5Liende liao eliaokak’ino ende Imi, liko mbo Yoane nd’alufiaka la balia, nde ino bolufiomoko la Bolimo Botanu mbisa ani becho wike bitiete.
6Asɔngɔmɔkɔ to iyo, batomomu lofel’Inde mbo— ¿Ngɛnɛ, otokɔkɔmɛsɛ isosha sha Bɔkɔta ende Isalaele liasi ko la mbile-ye? 7Inde loonga lau mbo— Loti loanu ndoluwa mbile ango ko yaa ebisota Sango ko l’isosha shande angɛnɛ; 8kongo ko bɔlɔkɔ nde bofoka ani akataliomoko Bolimo Botanu end’ino, limɔ boyalaka nde ebatonangokole tonango twami nda Yelusaleme la nda Yudea yatotina, la nda Samalia, la konda liko lia wenda-bo. 9Aongak’Inde ongoma, l’ani batotich’Inde, Yesu loilomo nda use, la lifita lois’Inde batɛnɛ la baiso bau. 10Awɛlɛk’iyo liseme nda use ani atɔkɛ lande, kwaamao bato bambale bemakalaka tina lau la bisinda bifufu, 11iyo loonga mbo— Bato ba Ngalilai, monito wemesani ani ndowɛlɛ liseme ngo ko nda use? E-Yesu-yo oyasoilelomo ino nda use, eyaka nde liasi ko la bɔfɔɔnɔ-bo ebosɔɛn’ino wɛn’Inde ani atɔkɛ nda use.
12Limɔ asokwak’iyo nda löngo elotangomu Elaya, iyo loinwa nda Yelusaleme eyele esika kwa lɔkɛndɛ loengana la lise lia yenga. 13Ɔtɔk’iyo nda okenge, iyo lolila nda ndakɔ y’olikolo olo ayalakak’iyo, bako Petelo la Yoane, la Yakobo, la Andelo, la Filipo, la Tomasa, la Batolomayo, la Matayo, la Yakobo wana wa Alufayo, la Simona Selote, la Yuda wana wa Yakobo. 14Batotina bana bayalaka la botema ɔmwito nda lisomboli la bofiili amamwito la batomali bamɔi, simbi to Malia nyango wa Yesu la bitungani ya Yesu lisanga.
Matia loaomo nda lifa lia Yudasi
15Lise limɔi nda bacho bana, Petelo loemala sisi ya beoto (ekuke ya bato loengana loketi loa mia la kama imbale), inde mbo— 16Beoto, loengani nde mbo baoi ba Lokasa loa Mungu bakɔchɔmɔkɔ, bako ebaongaka Bolimo Botanu ko la bɔnɔkɔ wa Dawidi, loasɔ loa Yudasi oyatolaka oso ebaundesaka Yesu. 17Yudasi atangomoko ɔmɔi wasu la ayalak’imɔ la likao lia e-likuwa-li. 18(Boto-yo losomba köndo ko la bieto eyaɔlɔk’inde la obe ewakelak’inde, limɔ inde lokwa se kpuu la bindo loachacha atiteni la nduka yande bitotina lowɛlɛmɛ se. 19Loasɔ-lo loluwana la bato batotina ba Yelusaleme la ani elanga ena lotomo lina nda lioi liau mbo Akeladama, liko mbo, Elanga ya Bakila.) 20Loatomoko to nda Lokasa loa Bɛɛlɛ mbo—
Bokulu wande boyaleke ko isimo,
Angwɛnɛ oto woyalaka nda wao; la mbo—
Isosha esiaundak’inde sha bonyafala, wasi ɔsɛkɛ shao.
21Eokao loengani nde lasu mbo ɔmɔi wasu w’ebasanganaka lasu ko nda mbile bitotina eyakɛndɛkɛndɛkɛ Yesu lasu, 22konda liakoli lia lilufi lia Yoane, konda lise eliailomoko Yesu nda use osenyana lasu, mbo boto ona ayaleke oyatonangokola lasu losokwo loa Yesu nda liwa.
23Iyo loemesa bato ambale, bako Yosefa oyatangomu Balasaba wa ngau ako Yuseto la ɔmɔi ako Matia. 24Limɔ iyo losombola mbo— Aɛ Mungu, Ngɛnɛ oyaluwi betema ya batotina, ɛnɛsɛk’iso boni oto wa e-bambale-ba oyasoa Aɛ oa’inde, 25mbo afomoko lifa lia Yudasi nda likuwa-li liosungana la litomomu elisosokwa la Yudasi oyasokakɛ ko elela eyande angɛnɛ. 26Iyo lota ngongo, la ngongo lokwela ko ende Matia, limɔ inde lotomo isosha amamwito la batomomu liu la ɔmɔi.
Atualmente selecionado:
Tomo Ya Batomomu 1: NTKE58
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Le Nouveau Testament in Kele (Lokele) © British and Foreign Bible Society, 1958, 2019.
Tomo Ya Batomomu 1
1
1Nda lokasa loami loa oso, Teofilo, yataka njasɔ bitoti eyakolaka Yesu la ndokelaka la ndoekekesa, 2konda lise eliailomoko lande nda use, ani ko la Bolimo Botanu asosila ndotela batomomu ebaaka Inde, bikela yokelomo lau. 3Mbisa ya tokange twa liwa liande, Inde lotambaka bindo yande la liwawi ko la ndembe wike, Inde lɔɛnɛkɛlɛ end’iyo ko bacho kama inɛi ani aonganaka lau njasɔ ya Bɔkɔta wa Mungu.
Liinwi lia Yesu nda Use
4Ayalaka Yesu lau, Inde lotel’iyo ndola mbo batasokweke nda Yelusaleme, kongo ko baumbakeleke lisakä eliatikaka Sango otikel’iyo mbo— 5Liende liao eliaokak’ino ende Imi, liko mbo Yoane nd’alufiaka la balia, nde ino bolufiomoko la Bolimo Botanu mbisa ani becho wike bitiete.
6Asɔngɔmɔkɔ to iyo, batomomu lofel’Inde mbo— ¿Ngɛnɛ, otokɔkɔmɛsɛ isosha sha Bɔkɔta ende Isalaele liasi ko la mbile-ye? 7Inde loonga lau mbo— Loti loanu ndoluwa mbile ango ko yaa ebisota Sango ko l’isosha shande angɛnɛ; 8kongo ko bɔlɔkɔ nde bofoka ani akataliomoko Bolimo Botanu end’ino, limɔ boyalaka nde ebatonangokole tonango twami nda Yelusaleme la nda Yudea yatotina, la nda Samalia, la konda liko lia wenda-bo. 9Aongak’Inde ongoma, l’ani batotich’Inde, Yesu loilomo nda use, la lifita lois’Inde batɛnɛ la baiso bau. 10Awɛlɛk’iyo liseme nda use ani atɔkɛ lande, kwaamao bato bambale bemakalaka tina lau la bisinda bifufu, 11iyo loonga mbo— Bato ba Ngalilai, monito wemesani ani ndowɛlɛ liseme ngo ko nda use? E-Yesu-yo oyasoilelomo ino nda use, eyaka nde liasi ko la bɔfɔɔnɔ-bo ebosɔɛn’ino wɛn’Inde ani atɔkɛ nda use.
12Limɔ asokwak’iyo nda löngo elotangomu Elaya, iyo loinwa nda Yelusaleme eyele esika kwa lɔkɛndɛ loengana la lise lia yenga. 13Ɔtɔk’iyo nda okenge, iyo lolila nda ndakɔ y’olikolo olo ayalakak’iyo, bako Petelo la Yoane, la Yakobo, la Andelo, la Filipo, la Tomasa, la Batolomayo, la Matayo, la Yakobo wana wa Alufayo, la Simona Selote, la Yuda wana wa Yakobo. 14Batotina bana bayalaka la botema ɔmwito nda lisomboli la bofiili amamwito la batomali bamɔi, simbi to Malia nyango wa Yesu la bitungani ya Yesu lisanga.
Matia loaomo nda lifa lia Yudasi
15Lise limɔi nda bacho bana, Petelo loemala sisi ya beoto (ekuke ya bato loengana loketi loa mia la kama imbale), inde mbo— 16Beoto, loengani nde mbo baoi ba Lokasa loa Mungu bakɔchɔmɔkɔ, bako ebaongaka Bolimo Botanu ko la bɔnɔkɔ wa Dawidi, loasɔ loa Yudasi oyatolaka oso ebaundesaka Yesu. 17Yudasi atangomoko ɔmɔi wasu la ayalak’imɔ la likao lia e-likuwa-li. 18(Boto-yo losomba köndo ko la bieto eyaɔlɔk’inde la obe ewakelak’inde, limɔ inde lokwa se kpuu la bindo loachacha atiteni la nduka yande bitotina lowɛlɛmɛ se. 19Loasɔ-lo loluwana la bato batotina ba Yelusaleme la ani elanga ena lotomo lina nda lioi liau mbo Akeladama, liko mbo, Elanga ya Bakila.) 20Loatomoko to nda Lokasa loa Bɛɛlɛ mbo—
Bokulu wande boyaleke ko isimo,
Angwɛnɛ oto woyalaka nda wao; la mbo—
Isosha esiaundak’inde sha bonyafala, wasi ɔsɛkɛ shao.
21Eokao loengani nde lasu mbo ɔmɔi wasu w’ebasanganaka lasu ko nda mbile bitotina eyakɛndɛkɛndɛkɛ Yesu lasu, 22konda liakoli lia lilufi lia Yoane, konda lise eliailomoko Yesu nda use osenyana lasu, mbo boto ona ayaleke oyatonangokola lasu losokwo loa Yesu nda liwa.
23Iyo loemesa bato ambale, bako Yosefa oyatangomu Balasaba wa ngau ako Yuseto la ɔmɔi ako Matia. 24Limɔ iyo losombola mbo— Aɛ Mungu, Ngɛnɛ oyaluwi betema ya batotina, ɛnɛsɛk’iso boni oto wa e-bambale-ba oyasoa Aɛ oa’inde, 25mbo afomoko lifa lia Yudasi nda likuwa-li liosungana la litomomu elisosokwa la Yudasi oyasokakɛ ko elela eyande angɛnɛ. 26Iyo lota ngongo, la ngongo lokwela ko ende Matia, limɔ inde lotomo isosha amamwito la batomomu liu la ɔmɔi.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Le Nouveau Testament in Kele (Lokele) © British and Foreign Bible Society, 1958, 2019.