Yoane 19
19
1Limɔ Pilato loundesa Yesu ndonyɔlɔ Inde la tososola 2la basilikani lotaka likala lia kɛ̈kɛ̈, iyo lotel’Inde liao nda botö, iyo lowates’Inde esinda etelu; 3iyo lokɛkɛ end’Inde okaonga mbo— Liseeli end’Aɛ Bɔkɔta wa BaYuda! Limɔ iyo loomak’Inde mbaka.
4Pilato lokuswa lousa ko liasi, inde loonga lau mbo— Tɛnɛ ngo, isoeshel’ino Inde lousa ndoluwes’ino mbo itiɛnɛ litwanelo angolimwito ende Inde. 5Yesu lokuswa to lousa ani awati likala lia kɛ̈kɛ̈ la esinda etelu, limɔ Pilato loonga lau mbo— Ɛnɛkɛ to boto! 6Nde ɛnɛkɛ̈ Kanga ebieti la polisi wɛnɛ Yesu, iyo loamama likama mbo— Bola nda lieka, bola nda lieka! Pilato mbo— Ino angɛnɛ undesak’Inde okaol’Inde nda lieka, eoka imi angɛnɛ itiɛnɛ litwanelo end’Inde. 7BaYuda lomutoel’inde mbo— Iso twende l’eyasu ekela, la ko la ekela ena aengani ko ndowa, eoka mbo asokelaka kwa mbo ende Wana wa Mungu.
8Okakä to Pilato e-lioi-li, inde lowanga la bɔwa loeta, 9inde loinwa liasi nda ndakɔ ya Komanda, inde loonga la Yesu mbo— ¿Osokwi to l’anima? Nde Yesu atiafek’inde limutoli. 10Ongoma Pilato loonga lande mbo— ¿Oitoonga lami? ¿Otiluwe mbo yende l’isosha shota Aɛ se la isosha shool’Aɛ nda lieka? 11Yesu lomutola mbo— Otiyaleke l’isosha ende’mi sakolo ngo ko wafomo shao ko la Use; eokao oto ona oyati nde Imi nda besamba yaɛ, inde nd’ayali la loasɔ eloeta.
12Kwaamao Pilato lokotaka ndofaikola Yesu, nde BaYuda loamama mbo— Bofaikola Oyo, aɛ oti wina la Kaisala; oyatolukaka inde angɛnɛ oyala Bɔkɔta, inde nd’atotefokola Kaisala. 13Nde okaka Pilato ebaoi-ba, inde loesha Yesu lousa, limɔ Pilato loyala se nda kɛka ya likɔmɔnyi, nda elela eyatangomu Lɔ̈mbɔ-loa-batalɛ (BaYuda mbo Ngabata). 14Liaaka nde lise liotonja Elambɔ ya Lieti la saa liambɛ. Limɔ Pilato loonga la BaYuda mbo— Ɛnɛkɛ to Bɔkɔta wanu! 15Iyo loamama to mbo— Sokola, sokola, bola Inde nda lieka! Pilato loonga lau mbo— ¿Yoleke Bɔkɔta wanu nda lieka? Kanga ebieti lomutola mbo— Toti ango la Bɔkɔta sakolo ko Kaisala. 16Lamao Pilato lomach’Inde nda besamba yau mbo aolomoko nda lieka.
Liwa nda Lieka
17Iyo loundesa to Yesu, la Inde lotola lieka liande angɛnɛ, Inde lokuswa nda okenge okakɛ nda elela eyatangomu mbo Ngolongota nda baoi ba BaYuda, litina mbo Elela ya longö loa otö. 18Omao iyo loanyames’Inde nda lieka amamwito la bato basi bambale, oyo nda fangi, oyo nda fangi eyɛmɔi la Yesu atiteni yau. 19La Pilato lota nda lionga mbo— Yesu wa Nasaleta, Bɔkɔta wa BaYuda; inde lowacha loao nda lieka. 20Wike wa BaYuda lotanga baoi nda lionga eoka elela olo aolomöko Yesu nda lieka yaaka tina la bokenge, la baoi basɔngɔmɔ̈kɔ̈ nda lioi lia BaEbele, la elia BaLoma, la elia BaHela. 21Eokao Kanga ebieti ya BaYuda loonga la Pilato mbo— Ɔsɔnɛ̈kɛ mbo Bɔkɔta wa BaYuda, kangä mbo— Oyo asoonga mbo Imi yende Bɔkɔta wa BaYuda. 22Pilato lomutola mbo— Isosɔnɔ ko liao elisɔni nde’mi.
23Awachaka basilikani owacha Yesu nda lieka, iyo lɔɔsɔ bisinda yande, iyo lokaa yao bakaɔ banɛi, bosilikani likaɔ, bosilikani likaɔ, la kanjo lisanga; nde kanjo etiaaka l’ɛsɔlɛlɔ, yasɔlɔmɔkɔ ko likolo ko se, ko esinda ɛmwito. 24Eokao iyo loongana mbo— Osalakëke yao, nde toteke ngongo nda yao ndoluwa oyakaɔlɛkɛ yao. Ongoma lioi lia Lokasa loa Mungu liakɔchɔmɔkɔ mbo— Basokaana bisinda yami bakaɔ, ebiwati’mi basotela yao ngongo. 25Basilikani lokela ngo ko ongoma.
Baemalakä nde tina la lieka lia Yesu, la nyango wande, la etungani ya nyango, la Malia wali wa Kelofa, la Malia wa Mangandala. 26Ɛnɛkɛ̈ to Yesu nyango wande la boeki ona oyasamak’Inde bemesani tina, Inde loonga la nyango mbo— Iya, tɛnɛ wana waɛ-yo! 27Limɔ Inde loonga la boeki ona mbo— Tɛnɛ nyango waɛ-yo! Ko la mbile ena boeki ona lɔkɛ lande nda ndakɔ yande angɛnɛ.
28Mbisa yamao, aluwakä Yesu mbo bitotina bisoiyela mbo lioi lia Lokasa loa Mungu likɔchɔmɔkɔ, Inde mbo— Isoka yɛmɛ yomwa. 29Tei eyetumi la bänä ba ngai lɔsɛlɔmɔ omao, iyo lofɔɛsɛ lilamba nda bänä, lota liao nda ifende, iyo lotamb’Inde liao nda bɔnɔkɔ. 30Aelaka Yesu bänä ongoma, Inde loonga mbo— Lososila! Limɔ Inde lotulia botö se, Inde loinola bolimo wande.
31Eoka lise lina liaaka eliotonja Elambɔ, BaYuda batialɛmbɛkɛ̈ mbo belyo bitikaleke nda baeka nda lise lia Yenga (eoka yenga-ao yaaka nde Yenga efi), iyo lofela Pilato mbo bakolo bau baunakomoko la mbo belyo bisokolomoko. 32Eokao basilikani loya, iyo louna bakolo ba ewa oso la bao ba oy’ɔmɔi, bako ebolomökö nda baeka amamwito lande. 33Nde iyaka iyo ende Yesu, ɛnɛkɛ̈ iyo mbo asokwelo oko se, batiaunaka bakolo bande. 34Nde ɔmɔi wa basilikani loswa Yesu likonga nda likuka, lisasaya bakila la balia losɛnjwa se. 35Boto oyɛnɛkɛ̈ nde la baiso nd’asokambesa loasɔ-lo, la likambesi liande liende ngo ko wewe, la aluwi nde mbo asoonga nde wewe ko mbo ino wimeleke. 36Bitotina-bi yakelomoko mbo lioi lia Lokasa loa Mungu likɔchɔmɔkɔ, liko mbo— Ikwa shande ango simɔi sitilaunomoko. 37La lioi liasi lia Lokasa loa Mungu, liko mbo— Betichaka nde Inde oyasotwɛlɛ iyo otwɛlɛ Inde.
Liombomu lia Yesu
38Mbisa yamao, Yosefa wa Alimatayo oyayali boeki wa Yesu ko wisakumbo eoka awangaka BaYuda, inde lofela Pilato isosha shosokola bolyo wa Yesu la Pilato lokulia. Eokao Yosefa loya oyasokola bolyo wande. 39La Nikodemo imɔ loya oyayaka ende Yesu oso ko la ocho, inde loesha lisɔbyi lia baningo la baɛsɛ, bolito wa kilo kama inɛi. 40Iyo lɔɔsɔ bolyo wa Yesu la iyo lokandaka wao la totambala twa bisinda amamwito la lisɔbyi lia baɛsɛ, kwa ayali boömbeli wa BaYuda.
41Elanga yaaka omao nda elela olo aolomoko Inde nda lieka, la nda elanga losai loyai olo angotaömbomo kɔni oto. 42Eoka mbo lise lina liyali elia litonji lia Elambɔ ya BaYuda la mbo losai loaka tina, iyo loingesa Yesu omao.
Atualmente selecionado:
Yoane 19: NTKE58
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Le Nouveau Testament in Kele (Lokele) © British and Foreign Bible Society, 1958, 2019.
Yoane 19
19
1Limɔ Pilato loundesa Yesu ndonyɔlɔ Inde la tososola 2la basilikani lotaka likala lia kɛ̈kɛ̈, iyo lotel’Inde liao nda botö, iyo lowates’Inde esinda etelu; 3iyo lokɛkɛ end’Inde okaonga mbo— Liseeli end’Aɛ Bɔkɔta wa BaYuda! Limɔ iyo loomak’Inde mbaka.
4Pilato lokuswa lousa ko liasi, inde loonga lau mbo— Tɛnɛ ngo, isoeshel’ino Inde lousa ndoluwes’ino mbo itiɛnɛ litwanelo angolimwito ende Inde. 5Yesu lokuswa to lousa ani awati likala lia kɛ̈kɛ̈ la esinda etelu, limɔ Pilato loonga lau mbo— Ɛnɛkɛ to boto! 6Nde ɛnɛkɛ̈ Kanga ebieti la polisi wɛnɛ Yesu, iyo loamama likama mbo— Bola nda lieka, bola nda lieka! Pilato mbo— Ino angɛnɛ undesak’Inde okaol’Inde nda lieka, eoka imi angɛnɛ itiɛnɛ litwanelo end’Inde. 7BaYuda lomutoel’inde mbo— Iso twende l’eyasu ekela, la ko la ekela ena aengani ko ndowa, eoka mbo asokelaka kwa mbo ende Wana wa Mungu.
8Okakä to Pilato e-lioi-li, inde lowanga la bɔwa loeta, 9inde loinwa liasi nda ndakɔ ya Komanda, inde loonga la Yesu mbo— ¿Osokwi to l’anima? Nde Yesu atiafek’inde limutoli. 10Ongoma Pilato loonga lande mbo— ¿Oitoonga lami? ¿Otiluwe mbo yende l’isosha shota Aɛ se la isosha shool’Aɛ nda lieka? 11Yesu lomutola mbo— Otiyaleke l’isosha ende’mi sakolo ngo ko wafomo shao ko la Use; eokao oto ona oyati nde Imi nda besamba yaɛ, inde nd’ayali la loasɔ eloeta.
12Kwaamao Pilato lokotaka ndofaikola Yesu, nde BaYuda loamama mbo— Bofaikola Oyo, aɛ oti wina la Kaisala; oyatolukaka inde angɛnɛ oyala Bɔkɔta, inde nd’atotefokola Kaisala. 13Nde okaka Pilato ebaoi-ba, inde loesha Yesu lousa, limɔ Pilato loyala se nda kɛka ya likɔmɔnyi, nda elela eyatangomu Lɔ̈mbɔ-loa-batalɛ (BaYuda mbo Ngabata). 14Liaaka nde lise liotonja Elambɔ ya Lieti la saa liambɛ. Limɔ Pilato loonga la BaYuda mbo— Ɛnɛkɛ to Bɔkɔta wanu! 15Iyo loamama to mbo— Sokola, sokola, bola Inde nda lieka! Pilato loonga lau mbo— ¿Yoleke Bɔkɔta wanu nda lieka? Kanga ebieti lomutola mbo— Toti ango la Bɔkɔta sakolo ko Kaisala. 16Lamao Pilato lomach’Inde nda besamba yau mbo aolomoko nda lieka.
Liwa nda Lieka
17Iyo loundesa to Yesu, la Inde lotola lieka liande angɛnɛ, Inde lokuswa nda okenge okakɛ nda elela eyatangomu mbo Ngolongota nda baoi ba BaYuda, litina mbo Elela ya longö loa otö. 18Omao iyo loanyames’Inde nda lieka amamwito la bato basi bambale, oyo nda fangi, oyo nda fangi eyɛmɔi la Yesu atiteni yau. 19La Pilato lota nda lionga mbo— Yesu wa Nasaleta, Bɔkɔta wa BaYuda; inde lowacha loao nda lieka. 20Wike wa BaYuda lotanga baoi nda lionga eoka elela olo aolomöko Yesu nda lieka yaaka tina la bokenge, la baoi basɔngɔmɔ̈kɔ̈ nda lioi lia BaEbele, la elia BaLoma, la elia BaHela. 21Eokao Kanga ebieti ya BaYuda loonga la Pilato mbo— Ɔsɔnɛ̈kɛ mbo Bɔkɔta wa BaYuda, kangä mbo— Oyo asoonga mbo Imi yende Bɔkɔta wa BaYuda. 22Pilato lomutola mbo— Isosɔnɔ ko liao elisɔni nde’mi.
23Awachaka basilikani owacha Yesu nda lieka, iyo lɔɔsɔ bisinda yande, iyo lokaa yao bakaɔ banɛi, bosilikani likaɔ, bosilikani likaɔ, la kanjo lisanga; nde kanjo etiaaka l’ɛsɔlɛlɔ, yasɔlɔmɔkɔ ko likolo ko se, ko esinda ɛmwito. 24Eokao iyo loongana mbo— Osalakëke yao, nde toteke ngongo nda yao ndoluwa oyakaɔlɛkɛ yao. Ongoma lioi lia Lokasa loa Mungu liakɔchɔmɔkɔ mbo— Basokaana bisinda yami bakaɔ, ebiwati’mi basotela yao ngongo. 25Basilikani lokela ngo ko ongoma.
Baemalakä nde tina la lieka lia Yesu, la nyango wande, la etungani ya nyango, la Malia wali wa Kelofa, la Malia wa Mangandala. 26Ɛnɛkɛ̈ to Yesu nyango wande la boeki ona oyasamak’Inde bemesani tina, Inde loonga la nyango mbo— Iya, tɛnɛ wana waɛ-yo! 27Limɔ Inde loonga la boeki ona mbo— Tɛnɛ nyango waɛ-yo! Ko la mbile ena boeki ona lɔkɛ lande nda ndakɔ yande angɛnɛ.
28Mbisa yamao, aluwakä Yesu mbo bitotina bisoiyela mbo lioi lia Lokasa loa Mungu likɔchɔmɔkɔ, Inde mbo— Isoka yɛmɛ yomwa. 29Tei eyetumi la bänä ba ngai lɔsɛlɔmɔ omao, iyo lofɔɛsɛ lilamba nda bänä, lota liao nda ifende, iyo lotamb’Inde liao nda bɔnɔkɔ. 30Aelaka Yesu bänä ongoma, Inde loonga mbo— Lososila! Limɔ Inde lotulia botö se, Inde loinola bolimo wande.
31Eoka lise lina liaaka eliotonja Elambɔ, BaYuda batialɛmbɛkɛ̈ mbo belyo bitikaleke nda baeka nda lise lia Yenga (eoka yenga-ao yaaka nde Yenga efi), iyo lofela Pilato mbo bakolo bau baunakomoko la mbo belyo bisokolomoko. 32Eokao basilikani loya, iyo louna bakolo ba ewa oso la bao ba oy’ɔmɔi, bako ebolomökö nda baeka amamwito lande. 33Nde iyaka iyo ende Yesu, ɛnɛkɛ̈ iyo mbo asokwelo oko se, batiaunaka bakolo bande. 34Nde ɔmɔi wa basilikani loswa Yesu likonga nda likuka, lisasaya bakila la balia losɛnjwa se. 35Boto oyɛnɛkɛ̈ nde la baiso nd’asokambesa loasɔ-lo, la likambesi liande liende ngo ko wewe, la aluwi nde mbo asoonga nde wewe ko mbo ino wimeleke. 36Bitotina-bi yakelomoko mbo lioi lia Lokasa loa Mungu likɔchɔmɔkɔ, liko mbo— Ikwa shande ango simɔi sitilaunomoko. 37La lioi liasi lia Lokasa loa Mungu, liko mbo— Betichaka nde Inde oyasotwɛlɛ iyo otwɛlɛ Inde.
Liombomu lia Yesu
38Mbisa yamao, Yosefa wa Alimatayo oyayali boeki wa Yesu ko wisakumbo eoka awangaka BaYuda, inde lofela Pilato isosha shosokola bolyo wa Yesu la Pilato lokulia. Eokao Yosefa loya oyasokola bolyo wande. 39La Nikodemo imɔ loya oyayaka ende Yesu oso ko la ocho, inde loesha lisɔbyi lia baningo la baɛsɛ, bolito wa kilo kama inɛi. 40Iyo lɔɔsɔ bolyo wa Yesu la iyo lokandaka wao la totambala twa bisinda amamwito la lisɔbyi lia baɛsɛ, kwa ayali boömbeli wa BaYuda.
41Elanga yaaka omao nda elela olo aolomoko Inde nda lieka, la nda elanga losai loyai olo angotaömbomo kɔni oto. 42Eoka mbo lise lina liyali elia litonji lia Elambɔ ya BaYuda la mbo losai loaka tina, iyo loingesa Yesu omao.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Le Nouveau Testament in Kele (Lokele) © British and Foreign Bible Society, 1958, 2019.