Эге дөс 20
20
Авраамның бодунуң кадайының дугайында база катап мегелээни
1Авраам ол черлерден мурнуу чүкче көжүп чоруткаш, Кадес биле Сурнуң аразынга турумчуп чурттай берген. Ооң соонда Герарга чурттап турганының үезинде 2бодунуң кадайы Сарраны «Дуңмам-дыр» деп турган. Ынчангаш Герарның хааны Авимелех Сарраны кыйгыртыпкаш, бодунуң бажыңынче ап алган#Э. д. 12:10-20. 3Дүне када Авимелехтиң дүжүнде аңаа Бурган чедип келгеш: «Сен бо ап алганың херээжен дээш өлүр сен. Ол ашактыг кижи-дир» – дээн.
4А Авимелех Саррага дээп безин четтикпээн турган. Ол: «Дээргим! Таанда-ла Сен буруу чок-даа чонну узуткап каар сен бе? 5Ол кижи бо херээженни „Дуңмам-дыр“ деп боду чугаалады. А бо херээжен боду база ону „Акым-дыр“ диди. Ону мен багай сеткил чок, кара чүве бодавайн, эккеп алган-дыр мен» – дээн.
6Дүжүнде Авимелехке Бурган мынча дээн: «Сени Мен багай сеткил чок деп билир мен. Ынчангаш Мээң мурнумга бачыт кылбазын дээш, сеңээ Саррага дээр үе бербедим. 7Ам ону ашаанче дедир чорудувут. Ооң ашаа – Бурганның медээчизи-дир#1 Чыл. 16:22; Ыд. ыр. 104:15. Ол сени дириг артсын дээш мөргүүр#Иов 42:8; Иак. 5:16. А бир эвес Сарраны чорутпас болзуңза, бодуң база сеңээ хамааржыр улус шуптузу чайлаш чок өлүр».
8Эртенинде Авимелех бодунуң дүжүметтерин чыып алгаш, дүжүн чугаалап берген. Олар шупту дыка кортканнар. 9Авимелех Авраамны кыйгыртып алгаш: «Бистиң-биле чүнү канчап турарың ол? Сеңээ багай чүнү кылып каан мен? Чүге мени болгаш мээң чонумну улуг бачыт кылырынче албадап турарың ол? Ынчаарга кайын боор!» – дээн. 10Оон: «Чүнү канчапкан дээш ынчаарың ол?» – деп айтырган.
11Авраам мынча дээн: «Бо черниң улузу Бургандан көңгүс кортпас улус деп бодадым. Ынчангаш мээң кадайым дээш мени өлүрүп каарлар ирги бе деп бодаан мен. 12Ол, шынап-ла, мээң дуңмам база болур кижи: ачамның өске херээженден уруу-дур. Ынчангаш ону кадай кылдыр ап алган мен. 13Кажан Бурган мени төрээн черимден орукче аъткарып турда, Саррага: „Меңээ энерелдиг бооп, барган черивиске-ле мени акым-дыр деп чоруур сен“ – дээн мен».
14Авимелех Авраамга шээр болгаш бода малды, эр, кыс кулдарны белекке бергеш, ооң кадайы Сарраны база эгидип берген. 15«Мээң черим бо-дур. Каяа күзээр сен, аңаа чуртта» – деп, Авимелех чугаалаан. 16А Саррага ол мынча дээн: «Сээң акыңга мен муң шекел мөңгүннү#20:16 Муң шекел – он бир хире килограммга деңнежир. берип тур мен. Сээң болгаш чоок кижилериңниң хомудалының садыызы дээш база сээң арыг адың катап тургустунзун дээш ынчалдым». 17Авраам Бурганга мөргүүрге, Ол Авимелехти экиртип каан#Иак. 5:16. Ооң кадайы болгаш кыс кулдары катап ажы-төл божуп эгелээн. 18(Ол үеге чедир Авраамның кадайы Сарра дээш Дээрги-Чаяакчы Авимелехтиң черинде бүгү херээженнерни төл чаяавас кылып каан турган.)
Atualmente selecionado:
Эге дөс 20: TUV
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© Институт перевода Библии, Москва, 2011
Эге дөс 20
20
Авраамның бодунуң кадайының дугайында база катап мегелээни
1Авраам ол черлерден мурнуу чүкче көжүп чоруткаш, Кадес биле Сурнуң аразынга турумчуп чурттай берген. Ооң соонда Герарга чурттап турганының үезинде 2бодунуң кадайы Сарраны «Дуңмам-дыр» деп турган. Ынчангаш Герарның хааны Авимелех Сарраны кыйгыртыпкаш, бодунуң бажыңынче ап алган#Э. д. 12:10-20. 3Дүне када Авимелехтиң дүжүнде аңаа Бурган чедип келгеш: «Сен бо ап алганың херээжен дээш өлүр сен. Ол ашактыг кижи-дир» – дээн.
4А Авимелех Саррага дээп безин четтикпээн турган. Ол: «Дээргим! Таанда-ла Сен буруу чок-даа чонну узуткап каар сен бе? 5Ол кижи бо херээженни „Дуңмам-дыр“ деп боду чугаалады. А бо херээжен боду база ону „Акым-дыр“ диди. Ону мен багай сеткил чок, кара чүве бодавайн, эккеп алган-дыр мен» – дээн.
6Дүжүнде Авимелехке Бурган мынча дээн: «Сени Мен багай сеткил чок деп билир мен. Ынчангаш Мээң мурнумга бачыт кылбазын дээш, сеңээ Саррага дээр үе бербедим. 7Ам ону ашаанче дедир чорудувут. Ооң ашаа – Бурганның медээчизи-дир#1 Чыл. 16:22; Ыд. ыр. 104:15. Ол сени дириг артсын дээш мөргүүр#Иов 42:8; Иак. 5:16. А бир эвес Сарраны чорутпас болзуңза, бодуң база сеңээ хамааржыр улус шуптузу чайлаш чок өлүр».
8Эртенинде Авимелех бодунуң дүжүметтерин чыып алгаш, дүжүн чугаалап берген. Олар шупту дыка кортканнар. 9Авимелех Авраамны кыйгыртып алгаш: «Бистиң-биле чүнү канчап турарың ол? Сеңээ багай чүнү кылып каан мен? Чүге мени болгаш мээң чонумну улуг бачыт кылырынче албадап турарың ол? Ынчаарга кайын боор!» – дээн. 10Оон: «Чүнү канчапкан дээш ынчаарың ол?» – деп айтырган.
11Авраам мынча дээн: «Бо черниң улузу Бургандан көңгүс кортпас улус деп бодадым. Ынчангаш мээң кадайым дээш мени өлүрүп каарлар ирги бе деп бодаан мен. 12Ол, шынап-ла, мээң дуңмам база болур кижи: ачамның өске херээженден уруу-дур. Ынчангаш ону кадай кылдыр ап алган мен. 13Кажан Бурган мени төрээн черимден орукче аъткарып турда, Саррага: „Меңээ энерелдиг бооп, барган черивиске-ле мени акым-дыр деп чоруур сен“ – дээн мен».
14Авимелех Авраамга шээр болгаш бода малды, эр, кыс кулдарны белекке бергеш, ооң кадайы Сарраны база эгидип берген. 15«Мээң черим бо-дур. Каяа күзээр сен, аңаа чуртта» – деп, Авимелех чугаалаан. 16А Саррага ол мынча дээн: «Сээң акыңга мен муң шекел мөңгүннү#20:16 Муң шекел – он бир хире килограммга деңнежир. берип тур мен. Сээң болгаш чоок кижилериңниң хомудалының садыызы дээш база сээң арыг адың катап тургустунзун дээш ынчалдым». 17Авраам Бурганга мөргүүрге, Ол Авимелехти экиртип каан#Иак. 5:16. Ооң кадайы болгаш кыс кулдары катап ажы-төл божуп эгелээн. 18(Ол үеге чедир Авраамның кадайы Сарра дээш Дээрги-Чаяакчы Авимелехтиң черинде бүгү херээженнерни төл чаяавас кылып каан турган.)
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© Институт перевода Библии, Москва, 2011