Génesis 17
17
Thi kjuauthexin Ndo Dio ngain Abram
1Are Abram bechunda noo kan ko thena̱a̱ nano kununxiꞌin Ndo Dio ko ndachro Ndo:
—Jaꞌan thi Dio chunda kainxin juachaxin. Dithikaon na ko xruꞌin thi jianꞌa ncheꞌe ngathexin kon. 2Jaꞌan sinthaꞌa ngajin thi ndachrjan, ko sajon juachaxin ixin jaꞌa sachrjeninxin tsjé chujni.
3Are Abram kuiꞌin jiꞌi, bethuxin ko bisetaꞌa nunthe ixin bajon juasaaya, ko Ndo Dio xra ndachro Ndo:
4—Jiꞌi thi ndachrjan sinthaꞌa ngajin: Jaꞌan sinthakjan ndudee anto tsjé chujni. 5Ko jaꞌa isinꞌa Abram; jai tsexinxin siꞌin Abraham, ixin jaꞌan sinthakjan ndudee anto tsjé chujni. 6Jaꞌan sinthaꞌa ixin jaꞌa sachrjeninxin tsjé chujni, ko kai sachrjeninxin tsjé rey ko sinchechjian na̱ tsjé rajna ngain tsjé nunthe. 7Ko jaꞌan sinthaꞌa thi ndachrjan ngajin, ko kai ngain chujni sachrjeninxin jaꞌa, ko thi ndachrjan sinthaꞌa xruꞌin nchaꞌon sitjaan, ko mee ruchro ixin jaꞌan Ndo Diua ko Ndo Diue na̱ kai. 8Jaꞌa ko ni sachrjeninxin ruchjaꞌa ra nguii nuntheꞌe Canaán, thi jai riꞌi, aro jeꞌa nuntheꞌa, ko jiꞌi tsji nuntheꞌe na̱ kainxin nchaꞌon ko jaꞌan tsji Diue na̱.
9Ko Ndo Dio kjan ndache Abraham:
—Jaꞌa dithikaon thi kjuathexin ná, jaꞌa ko kain chujni sachrejninxin. 10Ko thi ndachrjan sinthaꞌa ngajin, ruchro ixin jaꞌa ko kain chujni sachrjeninxin tsa na̱ xruꞌe. 11Tunchrijindeꞌe ra xuli jindajin jaa xrua ra, ko jiꞌi tsjaguxin ra thi kjuathexin ná. 12Jai tsexinxin, kain xan xii suan rugunda tsa xan xruꞌe are sithja xan jni nchaꞌon, kai xeꞌen xi nchexraa kueꞌna, maski jeꞌa chujni bachrjeninxin. 13Rugunda tsa xruꞌe kain xii te nchiandui ko xi nchexraa. Ko jañaa tsjaguxin ra ngain nthauꞌa ra kain nchaꞌon thi kjuathexin ná. 14Ko thi xii tsaꞌa xruꞌe, chroꞌa seꞌe ngayaꞌa ra ixin bithikaonꞌa thi kjuathexin ná.
15Ko Ndo Dio kai ndachro:
—Chriꞌa isinꞌa nchra Sarai, jai tsexinxin siꞌin nchra Sara 16ixin jaꞌan sinthanchaon nchra, ko sinchekunkjiꞌi nchra naa xaꞌan, ko kai rukjan janee ni sinthe ngain tsjé nunthe, ko kanxion na̱ rukjan na̱ rey tsetuꞌan tsjé nunthe.
17Ko Abraham bethuxin ko bisetaꞌa nunthe ko kjuano ko ndachro ngathe anseen: «¿Anchao naa xii chunda naa renkia nano ruchundakaꞌo chriꞌi naa chjan? ¿Ko Sara uchunda noo kan ko the nano axra nchao ruchunda chjan?» 18Ko Abraham ndachro ngain Ndo Dio:
—Nthatsaꞌan ñao kai Ismael chjeꞌe juachaxin sechon inchin Suixin rinao.
19Aro batheꞌe Ndo Dio:
—Nduaxin, Sara sinchekunkjiꞌi naa xaꞌan, ko jaꞌa sinchegiꞌin xan Isaac. Ko jaꞌan sinthagikon xan thi kjuathexin ná, kai ni sachrjeninxin jeꞌe xan, ko xruꞌin nchaꞌon sitjaan thi kjuathexin ná. 20Ko kuian thi ndachjejin na ixin Ismael ko jaꞌan sinthanchaon ko ruchunda tsjé chjan ko tsjé chujni sachrjeninxin jeꞌe. Ko jeꞌe tsji ndudee theyoo ni tsetuꞌan ko tsetuꞌan na̱ naa nunthe anto jié. 21Aro thi kjuathexin ná sakee ngain Isaac, xan sinchekunkjiꞌi Sara, chriꞌa, ko mee tsuꞌen ngain nano tsii, inchin ngain nchaꞌon teꞌi.
22Are Ndo Dio juexin nichja ngain Abraham, sakjuixin Ndo nthiꞌa. 23Kuthimejan Abraham tse xeꞌen, xan Ismael, ko kain xi nchexree guanxin ngain nchianduꞌa ko kain xi kuenanxin tumii ko kain xi binthe ngain nchianduꞌa, ko chjee xa xruꞌe ngain nchaꞌon mee, jañaa inchin kuetuꞌan Ndo Dio. 24Ko Abraham bechunda noo kan ko thena̱a̱ nano are kuaa xruꞌe. 25Ko xeꞌen Abraham, xan Ismael bechunda xan thenii nano are kuaa xan xruꞌe ngain nthauꞌe xan. 26Ko xra jeꞌo nchaꞌon mee, Abraham ko Ismael bayee na̱ xruꞌe, 27ko kai bayee xruꞌe kain ni xii binthe ngain nchianduꞌa, xi nchexree, xi guan ngain nchianduꞌa ko xi kuenanxin tumii ngain jee nunthe.
Atualmente selecionado:
Génesis 17: plsNT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2017, Wycliffe Bible Translators, Inc. All rights reserved.
Génesis 17
17
Thi kjuauthexin Ndo Dio ngain Abram
1Are Abram bechunda noo kan ko thena̱a̱ nano kununxiꞌin Ndo Dio ko ndachro Ndo:
—Jaꞌan thi Dio chunda kainxin juachaxin. Dithikaon na ko xruꞌin thi jianꞌa ncheꞌe ngathexin kon. 2Jaꞌan sinthaꞌa ngajin thi ndachrjan, ko sajon juachaxin ixin jaꞌa sachrjeninxin tsjé chujni.
3Are Abram kuiꞌin jiꞌi, bethuxin ko bisetaꞌa nunthe ixin bajon juasaaya, ko Ndo Dio xra ndachro Ndo:
4—Jiꞌi thi ndachrjan sinthaꞌa ngajin: Jaꞌan sinthakjan ndudee anto tsjé chujni. 5Ko jaꞌa isinꞌa Abram; jai tsexinxin siꞌin Abraham, ixin jaꞌan sinthakjan ndudee anto tsjé chujni. 6Jaꞌan sinthaꞌa ixin jaꞌa sachrjeninxin tsjé chujni, ko kai sachrjeninxin tsjé rey ko sinchechjian na̱ tsjé rajna ngain tsjé nunthe. 7Ko jaꞌan sinthaꞌa thi ndachrjan ngajin, ko kai ngain chujni sachrjeninxin jaꞌa, ko thi ndachrjan sinthaꞌa xruꞌin nchaꞌon sitjaan, ko mee ruchro ixin jaꞌan Ndo Diua ko Ndo Diue na̱ kai. 8Jaꞌa ko ni sachrjeninxin ruchjaꞌa ra nguii nuntheꞌe Canaán, thi jai riꞌi, aro jeꞌa nuntheꞌa, ko jiꞌi tsji nuntheꞌe na̱ kainxin nchaꞌon ko jaꞌan tsji Diue na̱.
9Ko Ndo Dio kjan ndache Abraham:
—Jaꞌa dithikaon thi kjuathexin ná, jaꞌa ko kain chujni sachrejninxin. 10Ko thi ndachrjan sinthaꞌa ngajin, ruchro ixin jaꞌa ko kain chujni sachrjeninxin tsa na̱ xruꞌe. 11Tunchrijindeꞌe ra xuli jindajin jaa xrua ra, ko jiꞌi tsjaguxin ra thi kjuathexin ná. 12Jai tsexinxin, kain xan xii suan rugunda tsa xan xruꞌe are sithja xan jni nchaꞌon, kai xeꞌen xi nchexraa kueꞌna, maski jeꞌa chujni bachrjeninxin. 13Rugunda tsa xruꞌe kain xii te nchiandui ko xi nchexraa. Ko jañaa tsjaguxin ra ngain nthauꞌa ra kain nchaꞌon thi kjuathexin ná. 14Ko thi xii tsaꞌa xruꞌe, chroꞌa seꞌe ngayaꞌa ra ixin bithikaonꞌa thi kjuathexin ná.
15Ko Ndo Dio kai ndachro:
—Chriꞌa isinꞌa nchra Sarai, jai tsexinxin siꞌin nchra Sara 16ixin jaꞌan sinthanchaon nchra, ko sinchekunkjiꞌi nchra naa xaꞌan, ko kai rukjan janee ni sinthe ngain tsjé nunthe, ko kanxion na̱ rukjan na̱ rey tsetuꞌan tsjé nunthe.
17Ko Abraham bethuxin ko bisetaꞌa nunthe ko kjuano ko ndachro ngathe anseen: «¿Anchao naa xii chunda naa renkia nano ruchundakaꞌo chriꞌi naa chjan? ¿Ko Sara uchunda noo kan ko the nano axra nchao ruchunda chjan?» 18Ko Abraham ndachro ngain Ndo Dio:
—Nthatsaꞌan ñao kai Ismael chjeꞌe juachaxin sechon inchin Suixin rinao.
19Aro batheꞌe Ndo Dio:
—Nduaxin, Sara sinchekunkjiꞌi naa xaꞌan, ko jaꞌa sinchegiꞌin xan Isaac. Ko jaꞌan sinthagikon xan thi kjuathexin ná, kai ni sachrjeninxin jeꞌe xan, ko xruꞌin nchaꞌon sitjaan thi kjuathexin ná. 20Ko kuian thi ndachjejin na ixin Ismael ko jaꞌan sinthanchaon ko ruchunda tsjé chjan ko tsjé chujni sachrjeninxin jeꞌe. Ko jeꞌe tsji ndudee theyoo ni tsetuꞌan ko tsetuꞌan na̱ naa nunthe anto jié. 21Aro thi kjuathexin ná sakee ngain Isaac, xan sinchekunkjiꞌi Sara, chriꞌa, ko mee tsuꞌen ngain nano tsii, inchin ngain nchaꞌon teꞌi.
22Are Ndo Dio juexin nichja ngain Abraham, sakjuixin Ndo nthiꞌa. 23Kuthimejan Abraham tse xeꞌen, xan Ismael, ko kain xi nchexree guanxin ngain nchianduꞌa ko kain xi kuenanxin tumii ko kain xi binthe ngain nchianduꞌa, ko chjee xa xruꞌe ngain nchaꞌon mee, jañaa inchin kuetuꞌan Ndo Dio. 24Ko Abraham bechunda noo kan ko thena̱a̱ nano are kuaa xruꞌe. 25Ko xeꞌen Abraham, xan Ismael bechunda xan thenii nano are kuaa xan xruꞌe ngain nthauꞌe xan. 26Ko xra jeꞌo nchaꞌon mee, Abraham ko Ismael bayee na̱ xruꞌe, 27ko kai bayee xruꞌe kain ni xii binthe ngain nchianduꞌa, xi nchexree, xi guan ngain nchianduꞌa ko xi kuenanxin tumii ngain jee nunthe.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2017, Wycliffe Bible Translators, Inc. All rights reserved.