GENESIS 19
19
Sodom Khua Sualnâk
1Vânmifial panih Sodom khua ah zânleibâi ah an va kal liauah, Lot chu khuapi kulh kawtkâ ah a to ko. A muh na kâ hen a thawk le, anmah tawng ding hen an sinah a va kal, an mâika ah a kûn le, 2“Pu le tla, nanmah nâwlzulh ding hen hinah ka um ko. Zângfahtê hen ka in leiah hawng u, Nan kê tla nan ṭâwl lai le, zân khawm nan riak ko lai. Thâizîng zîngtê hen nan thawk lai le, nan kalnâk ding leiah nan kal ko lai,” a ti.
“Silo, khuapi sungah kan riak awt ko,” ti hen an sâng.
3A ngiar chiam na le, a nehnûnah chun a in ah an va kal rawh, Lot nih a to-aw tla rangah sang em hen buh-an ṭha tak khual rangah timhtuah ding hen a fial na, An timhtuah rawh chun an ei rawh.
4Khual tla an it lânah, Sodom khua mi tla nih in chu an hawng kulh. Chu khuapi minung zawng seino leh upa chunah chun an um hep. 5Lot chu an auh le, “Tuzân ah na in ah riak ding hen an hawng mi minung tla kha zeiah an um? Kan sinah hawng suah na!” an ti. Sodom khua mi tla nih pung na ding an tum.
6Lot chu lênglei ah a va suak le, in a khâr pang. 7An sinah, “Hâwi le tla, bang hâwi thilsual kha ti lo ding hen kan ngiar na! 8Zauhnik u, fanu panih âukhawm tawngh lo mi ka nei, nan sinah ka hawng put lai le, anmah chu nan duhzia zawng hen ti u. Sikhawmsele, hi minung tla rangah lam chun zeikhawm ti lah na u; ka in ah mi khual an si le, keimah hum na ding mi an si,” a ti.
9Sikhawmsele, annih nih, “Lampi hawng kan kham lah, nang ramdang um mi nih! Nang lebang zei minung me na si, na kan simh rih? A kiang ving, nangmah lehlam anmah ngâk hen na tuar salam lai,” an ti. Lot chu an tûl le, inkhâr râwk ding hen an fûk.
10Sikhawmsele, in sungah mi panih nih chun an kut an hawng suah le, Lot chu in sung leiah an nûk le, in an khâr pang. 11Churawhchun, lênglei mi tla chu an mit an châwtir na le, inkhâr an tawng kho lo rawh,
Lot nih Sodom a Kaltâk
12Minung panih nih Lot sinah, “Midang, na fapa tla, na fanu tla, na samakpa tla, mawh na unau dang rerêng hi khuapi sungah mi hi suaktir hep na, 13hi mun hi kan râwk awt ruangah. LALPA nih hi minung tla phiarnâk ṭihnungkâi tak chu a theih le, Sodom khua veih ding hen fial mi kan si,” an ti.
14Chun, Lot chu a fanu tla umpi nâtu ding mi tla sinah a va kal le, “Hi thawk hen suak ding a nam u; LALPA nih hi mun hi a râwk awt,” a ti. Sikhawmsele, a deh na mi hen an ruat.
15Khuadei bâiah vânmifial tla nih Lot chu an nâwt rawh. “A nam rereh! Na nupi leh na fanu panih tla hen suak u, hi khuapi â râwk tikah nan thi lonâk ding hen,” an ti.
16Lot chu â nam chiam le; LALPA nih chun zeitin tal a zângfah khawmsele, a nupi leh a fanu panih chu an tleih na le, khuapi sung thawk hen an suah na rawh. 17Vânmifial lakah pakhat nih, “Nan nung khonâk ding hen tek u! Dunglei a her lah ule, tivakuam ah a dîn lah u. Tlâng leiah tek ule, churawhchun thah hen nan um lai lo,” a ti.
18Sikhawmsele, Lot nih, “Silo,” chu hâwi hen hawng kan ti lah pu. 19Nangnih na kan dâwt le, kan nungnâk na hum asi. Sikhawmsele, tlâng chu a lât tuktarâi; vândûainâk ka tawng lai le, tlung lo hen ka thi salam lai. 20Khi khuatê khi na muh ma? A nâi tâwk ual, khinah khin hawng ka kaltir ko, mun mêtê na muh mi lakah khin him ziar hen ka um ko lai,” ti hen, a sâng.
21Vânmifial nih, “Asi, rem ka ti, chu khua chu ka râwk lai lo. 22A nam rereh! tek rawh, chu mun na tlung lânlo chu zeikhawm ti ding â tawng lo,” a ti.
Lot nih khua fatê a ti ruangah a min ah Zoar#19.22 ZOAR: Hebrai ah hi min hi ‘mete,’ tinâk asi. a ti.
Sodom leh Gomorah Râwknâk
23Lot chu Zoar a tlung rawh chun nî a suak rawh. 24Lâkkhatko ah LALPA nih Sodom leh Gomorah khuapi tlûnah chun kât alh a sûrtir le, tivakuam tla, 25chunah minung zawzawng tla, chu ram ah thil a kho mi zawzawng a veih hep na. 26Sikhawmsele Lot nupi chu dunglei â her le, chitê lung ah â chang rawh.
27A thâituan zîngtê ah Abraham chu LALPA mâika ah a dîrnâk ah mawhsareh hen a va kal. 28Sodom leh Gomorah leh tivakuam zawzawng chu a chuanh le, chu ram thawk hen meikhû meialh fâk tak thawk hen a hawng suak mi hâwi hen a muh.
29Pathian nih chu khuapi tla tivakuam mi Lot umnâk a râwk liau chun, Abraham chu a theihkumza le, Lot khawm nung dam a um hen a suaktir.
Amon mi leh Moab mi tla Bulpi
30Lot chu Zoar khua ah um ding a ṭih ruangah amah leh a fanu panih le hen tlângah anna ṭhial le, pûk ah an um. 31A fanu upa dauh mi nih a naunu sinah, “Kan pa chu a tar dadauh rawh, fa nei ding hen lâikulh pumpi ah hawng kan umpitu ding âukhawm an um lo. 32Hawng, kan pa zû rî nek hen kan tuah lai le, amah thawk hen fa nei ding hen a sinah kan it lai,” a ti.
33Chu zân ah chun uain din ding an pêk rawh, a fanu a upa dauh mi chu a va a ihpitir. Sikhawmsele, a rî nek ruangah zeikhawm a theih loh.
34A thâituan chun a fanu upa dauh mi nih a naunu sinah, “Mazân ah a sinah ka it rawh; tuzân khawm kan rîttir nawlh lai le, nang a sinah va it rawh. Churawhchun, kan panih hen kan pa thawk hen fa kan nei lai rawh,” a ti.
35Churawhchun, chu zân khawm rî nek hen an dinh le, a fanu a niang dauh mi chu a va a ihpitir. Chu liau khawm a rî nek le, zeikhawm a theih loh. 36Hi hâwi hen Lot fanu tla chu an pa thawk hen an râi rawh. 37A upa dauh mi fanu nih fapa a nei le, a min ah Moab#19.37 MOAB: Hi min hi Hebrai hawlh hen ‘ka pa thawk hen mi’ tinâk asi. a sak. Tu liauah Moab murui thlâktu chu asi. 38A fanu niang dauh mi khawm nih fapa a nei bâk le, a min ah Benammi#19.38 BENAMMI: Hebrai ah hi min umzia chu ‘Ka rualsia fapa’ tinâk leh ‘Amon mi’ tinâk asi. a sak. Tu liauah Amon tla thlâktu asi.
Atualmente selecionado:
GENESIS 19: BCLBV
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bawm Common Language Bible © Bangladesh Bible Society, 2004. All rights reserved.
GENESIS 19
19
Sodom Khua Sualnâk
1Vânmifial panih Sodom khua ah zânleibâi ah an va kal liauah, Lot chu khuapi kulh kawtkâ ah a to ko. A muh na kâ hen a thawk le, anmah tawng ding hen an sinah a va kal, an mâika ah a kûn le, 2“Pu le tla, nanmah nâwlzulh ding hen hinah ka um ko. Zângfahtê hen ka in leiah hawng u, Nan kê tla nan ṭâwl lai le, zân khawm nan riak ko lai. Thâizîng zîngtê hen nan thawk lai le, nan kalnâk ding leiah nan kal ko lai,” a ti.
“Silo, khuapi sungah kan riak awt ko,” ti hen an sâng.
3A ngiar chiam na le, a nehnûnah chun a in ah an va kal rawh, Lot nih a to-aw tla rangah sang em hen buh-an ṭha tak khual rangah timhtuah ding hen a fial na, An timhtuah rawh chun an ei rawh.
4Khual tla an it lânah, Sodom khua mi tla nih in chu an hawng kulh. Chu khuapi minung zawng seino leh upa chunah chun an um hep. 5Lot chu an auh le, “Tuzân ah na in ah riak ding hen an hawng mi minung tla kha zeiah an um? Kan sinah hawng suah na!” an ti. Sodom khua mi tla nih pung na ding an tum.
6Lot chu lênglei ah a va suak le, in a khâr pang. 7An sinah, “Hâwi le tla, bang hâwi thilsual kha ti lo ding hen kan ngiar na! 8Zauhnik u, fanu panih âukhawm tawngh lo mi ka nei, nan sinah ka hawng put lai le, anmah chu nan duhzia zawng hen ti u. Sikhawmsele, hi minung tla rangah lam chun zeikhawm ti lah na u; ka in ah mi khual an si le, keimah hum na ding mi an si,” a ti.
9Sikhawmsele, annih nih, “Lampi hawng kan kham lah, nang ramdang um mi nih! Nang lebang zei minung me na si, na kan simh rih? A kiang ving, nangmah lehlam anmah ngâk hen na tuar salam lai,” an ti. Lot chu an tûl le, inkhâr râwk ding hen an fûk.
10Sikhawmsele, in sungah mi panih nih chun an kut an hawng suah le, Lot chu in sung leiah an nûk le, in an khâr pang. 11Churawhchun, lênglei mi tla chu an mit an châwtir na le, inkhâr an tawng kho lo rawh,
Lot nih Sodom a Kaltâk
12Minung panih nih Lot sinah, “Midang, na fapa tla, na fanu tla, na samakpa tla, mawh na unau dang rerêng hi khuapi sungah mi hi suaktir hep na, 13hi mun hi kan râwk awt ruangah. LALPA nih hi minung tla phiarnâk ṭihnungkâi tak chu a theih le, Sodom khua veih ding hen fial mi kan si,” an ti.
14Chun, Lot chu a fanu tla umpi nâtu ding mi tla sinah a va kal le, “Hi thawk hen suak ding a nam u; LALPA nih hi mun hi a râwk awt,” a ti. Sikhawmsele, a deh na mi hen an ruat.
15Khuadei bâiah vânmifial tla nih Lot chu an nâwt rawh. “A nam rereh! Na nupi leh na fanu panih tla hen suak u, hi khuapi â râwk tikah nan thi lonâk ding hen,” an ti.
16Lot chu â nam chiam le; LALPA nih chun zeitin tal a zângfah khawmsele, a nupi leh a fanu panih chu an tleih na le, khuapi sung thawk hen an suah na rawh. 17Vânmifial lakah pakhat nih, “Nan nung khonâk ding hen tek u! Dunglei a her lah ule, tivakuam ah a dîn lah u. Tlâng leiah tek ule, churawhchun thah hen nan um lai lo,” a ti.
18Sikhawmsele, Lot nih, “Silo,” chu hâwi hen hawng kan ti lah pu. 19Nangnih na kan dâwt le, kan nungnâk na hum asi. Sikhawmsele, tlâng chu a lât tuktarâi; vândûainâk ka tawng lai le, tlung lo hen ka thi salam lai. 20Khi khuatê khi na muh ma? A nâi tâwk ual, khinah khin hawng ka kaltir ko, mun mêtê na muh mi lakah khin him ziar hen ka um ko lai,” ti hen, a sâng.
21Vânmifial nih, “Asi, rem ka ti, chu khua chu ka râwk lai lo. 22A nam rereh! tek rawh, chu mun na tlung lânlo chu zeikhawm ti ding â tawng lo,” a ti.
Lot nih khua fatê a ti ruangah a min ah Zoar#19.22 ZOAR: Hebrai ah hi min hi ‘mete,’ tinâk asi. a ti.
Sodom leh Gomorah Râwknâk
23Lot chu Zoar a tlung rawh chun nî a suak rawh. 24Lâkkhatko ah LALPA nih Sodom leh Gomorah khuapi tlûnah chun kât alh a sûrtir le, tivakuam tla, 25chunah minung zawzawng tla, chu ram ah thil a kho mi zawzawng a veih hep na. 26Sikhawmsele Lot nupi chu dunglei â her le, chitê lung ah â chang rawh.
27A thâituan zîngtê ah Abraham chu LALPA mâika ah a dîrnâk ah mawhsareh hen a va kal. 28Sodom leh Gomorah leh tivakuam zawzawng chu a chuanh le, chu ram thawk hen meikhû meialh fâk tak thawk hen a hawng suak mi hâwi hen a muh.
29Pathian nih chu khuapi tla tivakuam mi Lot umnâk a râwk liau chun, Abraham chu a theihkumza le, Lot khawm nung dam a um hen a suaktir.
Amon mi leh Moab mi tla Bulpi
30Lot chu Zoar khua ah um ding a ṭih ruangah amah leh a fanu panih le hen tlângah anna ṭhial le, pûk ah an um. 31A fanu upa dauh mi nih a naunu sinah, “Kan pa chu a tar dadauh rawh, fa nei ding hen lâikulh pumpi ah hawng kan umpitu ding âukhawm an um lo. 32Hawng, kan pa zû rî nek hen kan tuah lai le, amah thawk hen fa nei ding hen a sinah kan it lai,” a ti.
33Chu zân ah chun uain din ding an pêk rawh, a fanu a upa dauh mi chu a va a ihpitir. Sikhawmsele, a rî nek ruangah zeikhawm a theih loh.
34A thâituan chun a fanu upa dauh mi nih a naunu sinah, “Mazân ah a sinah ka it rawh; tuzân khawm kan rîttir nawlh lai le, nang a sinah va it rawh. Churawhchun, kan panih hen kan pa thawk hen fa kan nei lai rawh,” a ti.
35Churawhchun, chu zân khawm rî nek hen an dinh le, a fanu a niang dauh mi chu a va a ihpitir. Chu liau khawm a rî nek le, zeikhawm a theih loh. 36Hi hâwi hen Lot fanu tla chu an pa thawk hen an râi rawh. 37A upa dauh mi fanu nih fapa a nei le, a min ah Moab#19.37 MOAB: Hi min hi Hebrai hawlh hen ‘ka pa thawk hen mi’ tinâk asi. a sak. Tu liauah Moab murui thlâktu chu asi. 38A fanu niang dauh mi khawm nih fapa a nei bâk le, a min ah Benammi#19.38 BENAMMI: Hebrai ah hi min umzia chu ‘Ka rualsia fapa’ tinâk leh ‘Amon mi’ tinâk asi. a sak. Tu liauah Amon tla thlâktu asi.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bawm Common Language Bible © Bangladesh Bible Society, 2004. All rights reserved.